Басқару топтарын жылжыту

Салынған басқару топтарын топтар иерархиясының ішінде жылжытуға болады.

Басқару тобы барлық салынған топтармен, қосалқы Басқару серверлерімен, құрылғылармен, топтық саясаттармен және тапсырмалармен бірге жылжытылады. Оған басқару топтарының иерархиясындағы жаңа жайғасымына сәйкес келетін барлық параметрлер қолданылады.

Топ атауы иерархияның бір деңгейінде бірегей болуы керек. Сіз басқару тобын жылжытып жатқан қалтада ұқсас атауы бар топ бұрыннан болса, жылжытпас бұрын топтың атауын өзгерту керек. Жылжытылатын топтың атауын алдын ала өзгертпеген болсаңыз, жылжыту кезінде оның атауына автоматты түрде түр (<реттік нөмір>) жалғауы, мысалы: (1), (2) қосылады.

Басқарылатын құрылғылар тобының атауын өзгерту мүмкін емес, себебі ол Басқару консолінің кіріктірілген элементі болып табылады.

Топты консоль ағашының басқа қалтасына жылжыту үшін:

1. Консоль ағашында жылжытылатын топты таңдаңыз.
2. Келесі әрекеттердің бірін орындаңыз:
   • Контекстік мәзір арқылы топты жылжытыңыз:
     1. Топтың контекстік мәзірінде Қию тармағын таңдаңыз;
     2. Таңдалған топты жылжыту қажет басқару тобының контекстік мәзірінен Кірістіру тармағын таңдаңыз.
   • Бағдарламаның бас мәзірі арқылы топты жылжытыңыз:
     1. Бас мәзірдің Әрекет → Қию тармағын таңдаңыз.
     2. Консоль ағашында, таңдалған топты жылжыту қажет басқару тобын таңдаңыз.
     3. Бас мәзірдің Әрекет → Салу тармағын таңдаңыз.
   • Тінтуірдің көмегімен топты консоль ағашындағы басқа топқа жылжытыңыз.

Басына оралу