8-қадам. Файлдарды мұрағаттан шығарып, қатты дискіге орнату

Kaspersky Security Center құрамдастарын орнату параметрлерін конфигурациялап болғаннан кейін, файлдарды қатты дискіге орнатуды іске қосуға болады.

Орнатуды іске қосу үшін қосымша бағдарламалар қажет болса, орнату шебері Міндетті құрамдастарды орнату терезесінде Kaspersky Security Center орнатуды бастамас бұрын хабарлайды. Қажетті бағдарламалар Келесі түймесін басқаннан кейін автоматты түрде орнатылады.

Соңғы бетте Kaspersky Security Center-мен жұмыс істеу үшін қандай консольді іске қосу керектігін таңдауға болады:

• MMC негізіндегі Басқару консолін іске қосу
• Kaspersky Security Center Web Console консолін іске қосу

  Бұл параметр, алдыңғы қадамдардың бірінде Kaspersky Security Center Web Console орнатуды таңдаған жағдайда ғана қолжетімді.

Сондай-ақ Kaspersky Security Center-мен жұмысты бастамай-ақ шеберді жабу үшін Аяқтау түймесін басуға болады. Kaspersky Security Center-мен жұмысты кейінірек кез келген уақытта бастауға болады.

Басқару консолін немесе Kaspersky Security Center Web Console веб-консолін бірінші рет іске қосу кезінде, бағдарламаны алғашқы рет конфигурациялай аласыз.

Орнату шеберінің жұмысы аяқталғаннан кейін, бағдарламаның келесі құрамдастары операциялық жүйе орнатылған қатты дискіге орнатылады:

• Басқару сервері (Желілік агентінің серверлік нұсқасымен бірге);
• Microsoft Management Console (MMC) Басқару консоліне негізделген Басқару консолі;
• Kaspersky Security Center Web Console (егер оны орнату таңдалса);
• дистрибутивте қолжетімді бағдарламаларды басқару плагиндері.

Сонымен қатар, егер бұл бағдарлама бұрын орнатылмаған болса, Microsoft Windows Installer 4.5 нұсқасы орнатылады.

Басына оралу