Kaspersky Security Center Web Console

Kaspersky Security Center Web Console бағдарламасы, Kaspersky бағдарламалары қорғайтын ұйым желілерінің қауіпсіздік жүйесінің күйін бақылауға арналған бағдарлама (веб-қолданба) болып табылады.

Бағдарламаның көмегімен сіз келесі әрекеттерді орындай аласыз:

• Ұйымыңыздың қауіпсіздік жүйесінің күйін бақылай аласыз.
• Kaspersky бағдарламаларын желіңіздің құрылғыларына орната аласыз және орнатылған бағдарламаларды басқара аласыз.
• Желіңіздің құрылғылары үшін құрастырылған саясаттарды басқара аласыз.
• Пайдаланушы есептік жазбаларын басқара аласыз.
• Желінің құрылғыларына орнатылған бағдарламалардың тапсырмаларын басқара аласыз.
• Қауіпсіздік жүйесінің күйлері туралы есептерді қарай аласыз.
• Мүдделі тұлғаларға: жүйелік әкімшілер мен басқа да ІТ мамандарына есептерді жеткізуді басқара аласыз.

Аппараттық және бағдарламалық құрал талаптарын Web Console веб консолінің талаптарын қараңыз.

Kaspersky Security Center Web Console бағдарламасы браузер арқылы Басқару серверімен өзара әрекеттесуді қамтамасыз ететін веб-интерфейс болып саналады. Басқару сервері – бұл сіздің желіңіздің құрылғыларына орнатылған Kaspersky бағдарламаларын басқаруға арналған бағдарлама. Басқару сервері сіздің желіңіздің құрылғыларымен қорғалған (SSL) байланыс арналары арқылы байланысады. Сіз браузер арқылы Kaspersky Security Center Web Console серверіне қосылған кезде, браузер Kaspersky Security Center Web Console серверімен қорғалған (HTTPS) қосылымды орнатады.

Kaspersky Security Center Web Console сервері келесідей жұмыс істейді:

1. Сіз Kaspersky Security Center Web Console серверіне бағдарламаның веб-порталының беттерін көрсететін браузер арқылы қосыласыз.
2. Веб-порталдың басқару элементтерінің көмегімен, орындағыңыз келетін пәрменді таңдайсыз. Kaspersky Security Center Web Console сервері келесі әрекеттерді орындайды:
   • Ақпарат алумен байланысты пәрменді таңдаған болсаңыз (мысалы, құрылғылар тізімін қарау), Kaspersky Security Center Web Console бағдарламасы Басқару серверіне ақпарат алу туралы сұрау салып, одан қажетті деректерді алады және оларды браузерге көрсету үшін ыңғайлы түрде жібереді.
   • Басқару пәрменін таңдаған болсаңыз (мысалы, бағдарламаны қашықтан орнату), онда Kaspersky Security Center Web Console бағдарламасы браузерден пәрмен алып, оны Басқару серверіне жібереді. Содан кейін, бағдарлама Басқару серверінен пәрменнің орындалу нәтижесін алады және нәтижені көрсетуге ыңғайлы түрде браузерге жібереді.

Kaspersky Security Center Web Console көп тілді бағдарлама болып саналады. Бағдарламаны қайта ашпай-ақ интерфейс тілін кез келген уақытта өзгертуге болады. Егер сіз Kaspersky Security Center Web Console бағдарламасын Kaspersky Security Center-мен бірге орнатсаңыз, Kaspersky Security Center Web Console бағдарламасы орнату файлымен бірдей интерфейс тіліне ие. Егер сіз тек Kaspersky Security Center Web Console орнатсаңыз, бағдарлама операциялық жүйемен бірдей тілге ие. Егер Kaspersky Security Center Web Console бағдарламасы орнату файлының немесе операциялық жүйенің тілін қолдамаса, онда ағылшын тілі әдепкі бойынша орнатылады.

Kaspersky Security Center Web Console бағдарламасында ұялы құрылғыларды басқаруға қолдау көрсетілмейді. Алайда, егер сіз Басқару консоліндегі басқару тобына ұялы құрылғыларды қосқан болсаңыз, бұл құрылғылар Kaspersky Security Center Web Console бағдарламасында да көрсетіледі.

Бұл бөлімде: Kaspersky Security Center Басқару сервері мен Kaspersky Security Center Web Console бағдарламасын орналастыру схемасы Kaspersky Security Center Web Console бағдарламасы қолданатын порттар Kaspersky Security Center Web Console интерфейсі Негізгі мәзір бөлімдерін бекіту және бекітуді болдырмау Kaspersky Security Center Web Console веб-консолін орнату және бастапқы конфигурациялау Орнату Kaspersky Security Center Windows жүйесінен деректерді тасымалдау Kaspersky Security Center Web Console бағдарламасына кіру және одан шығу Kaspersky Security Center Web Console Есептік деректер және қатынасу диспетчері NTLM және Kerberos протоколдарын қолдана отырып, домендік түпнұсқалық растаманы конфигурациялау Басқару серверін конфигурациялау Kaspersky Security Center Web Console бастапқы конфигурациялау Қорғанысты орналастыру шебері Kaspersky бағдарламаларын Kaspersky Security Center Web Console көмегімен орналастыру Желідегі құрылғыларды табу Kaspersky бағдарламасы: лицензиялау және белсендіру Желі қорғанысын конфигурациялау Сценарий: Kaspersky Security Center және басқарылатын қауіпсіздік бағдарламаларын жаңарту Kaspersky дерекқорлары мен бағдарламаларын жаңарту Клиент құрылғыларындағы үшінші тарап бағдарламалары бағдарламаларын басқару Бақылау және есеп беру Kaspersky Security Center Web Console белсенділік журналы Kaspersky Security Center бағдарламасын басқа шешімдермен біріктіру Kaspersky Security Center Web Console консолімен бұлтты ортада жұмыс істеу Клиент құрылғыларын қашықтан диагностикалау Kaspersky Security Center Web Console интерфейсінің тілін өзгерту

Басына оралу