Тапсырманы орындау тарихын экспорттау

Тапсырмада қандай да бір мәселелерге тап болсаңыз, негізгі себептерді зерттеу қажет болуы мүмкін. Ол үшін тапсырманы орындау тарихын экспорттап, әрі қарай талдауға болады.

Тапсырманы орындау тарихын экспорттау үшін:

1. Құрылғыңыздағы каталогте бос TXT файлын жасаңыз.

   Тапсырманы орындау тарихы осы файлға экспортталады.

2. Тапсырма нәтижелері терезесін ашыңыз .
3. Тапсырма нәтижелері терезесінің жоғарғы бөлігінде мәселелері бар құрылғыны таңдаңыз.
4. Таңдалған құрылғының орындау тарихы көрсетілетін тапсырма нәтижелері терезесінің төменгі бөлігінде бір немесе бірнеше оқиғаны таңдаңыз.

   Бірнеше оқиғаны таңдау үшін Shift немесе Ctrl пернесін пайдаланыңыз.

5. Контекстік мәзірді ашу үшін таңдалған оқиғаларды тінтуірдің оң жақ түймесімен басып, Экспорттау опциясын таңдаңыз.

   Нәтижесінде, оқиғаларды экспорттау шебері іске қосылады.

6. Шебердің Экспорттау файлы қадамында Шолу түймесін басып, тапсырманы орындау тарихын экспорттау үшін жасалған TXT файлын таңдаңыз.

   Тек таңдалған оқиғаларды экспорттау керек болса, Тек таңдалған оқиғаларды экспорттау опциясын қосыңыз.

   Тапсырманы орындаудың бүкіл тарихын (барлық оқиғаны) экспорттағыңыз келсе, Тек таңдалған оқиғаларды экспорттау опциясы өшірілген болуы керек.

7. Келесі түймесін басыңыз.
8. Шебердің Экспорттау пішімі қадамында келесі опциялардың бірін қосыңыз:
   • Табуляция таңбаларымен бөлінген Юникод пішіміндегі мәтін түрінде экспорттау

     Экспортталған деректерде бірнеше тілдегі арнайы таңбалар мен белгілер болса және экспортталған деректері бар TXT файлы әртүрлі қолданбаларда ашылған кезде барлық таңбаның дәл сақталуын қамтамасыз ету қажет болса, осы опцияны қосыңыз.

   • Табуляция таңбаларымен бөлінген мәтін түрінде экспорттау

     Ескі жүйелермен немесе Юникодты қолдамайтын қолданбалармен үйлесімділікті сақтағыңыз келсе, осы опцияны қосыңыз.

9. Шебер жұмысын аяқтау үшін Келесі түймесін басыңыз.

Тапсырманы орындау тарихы таңдалған TXT файлына экспортталады.

Басына оралу