Оқиғаны сақтау мерзімін конфигурациялау

Kaspersky Security Center Linux бағдарламасы, басқарылатын бағдарламаларға орнатылған Kaspersky Басқару сервері мен бағдарламаларының жұмысы барысында орын алған оқиғалар туралы ақпаратты алуға мүмкіндік береді. Оқиғалар туралы ақпарат Басқару серверінің дерекқорында сақталады. Кейбір оқиғаларды әдепкі бойынша көрсетілгеннен әлдеқайда ұзақ немесе қысқа мерзімде сақтау қажет болуы мүмкін. Оқиғаның әдепкі бойынша сақтау мерзімін өзгертуге болады.

Басқару сервері дерекқорында қандай да бір оқиғаларды сақтауға қызығушылық танытпасаңыз, Басқару сервері саясатында, Kaspersky бағдарламасы саясатында немесе Басқару сервері сипаттарында (тек Басқару сервері оқиғалары үшін) тиісті параметрді өшіре аласыз. Бұл дерекқордағы оқиғалар түрлерінің санын азайтады.

Оқиғаны сақтау мерзімі неғұрлым ұзақ болса, дерекқор максималды өлшемге соғұрлым тез жетеді. Алайда, оқиғаны барынша ұзақ сақтау мерзімі мониторинг тапсырмаларын орындауға және есептерді аса ұзақ кезең бойы қарауға мүмкіндік береді.

Басқару сервері дерекқорында оқиғаны сақтау мерзімін белгілеу үшін:

1. Бағдарламаның негізгі терезесінде Активтер (құрылғылар) → Саясат және профильдер бөліміне өтіңіз.
2. Келесі әрекеттердің бірін орындаңыз:
   • Желілік агенттің немесе Kaspersky басқарылатын бағдарламасы оқиғаларының жарамдылық мерзімін конфигурациялау үшін тиісті саясаттың атын басыңыз.

     Саясат сипаттары беті ашылады.

   • Басқару сервері оқиғаларын конфигурациялау үшін, басты мәзірде қажетті Басқару сервері атауының жанындағы параметрлер () белгішесін басыңыз.

     Егер сізде Басқару серверіне арналған саясат болса, сол саясаттың атын басуға болады.

     Басқару сервері сипаттары беті (немесе Басқару сервері саясаты сипаттары беті) ашылады.

3. Оқиғаларды конфигурациялау қойыншасын таңдаңыз.

   Байланысты оқиғалар тізімі бар Критикалық бөлімі көрсетіледі.

4. Функционалдық ақау, Ескерту немесе Ақпараттық бөлімін таңдаңыз.
5. Оң жақ тақтадағы оқиғалар түрлерінің тізімінде сақтау мерзімін өзгерткіңіз келетін оқиға атауының сілтемесіне өтіңіз.

   Оқиғаларды тіркеу бөлімінде ашылған терезеде Басқару серверінің дерекқорында сақтау мерзімі (күндер) параметрін қосыңыз.

6. Қосқыштың астындағы өңдеу өрісінде оқиғаны сақтау күндерінің санын көрсетіңіз.
7. Оқиғаны Басқару сервері дерекқорында сақтағыңыз келмесе, Басқару серверінің дерекқорында сақтау мерзімі (күндер) параметрін өшіріңіз.

   Басқару сервері оқиғаларын Басқару сервері сипаттары терезесінде конфигурацияласаңыз және оқиға параметрлері Kaspersky Security Center Басқару сервері саясатында бұғатталған болса, оқиғаны сақтау мерзімінің мәнін өзгерте алмайсыз.

8. OK түймесін басыңыз.

   Саясат сипаттары терезесі жабылады.

Енді Басқару сервері таңдалған түрдегі оқиғаларды қабылдап, сақтаған кезде, олардың сақтау мерзімі өзгертіледі. Басқару сервері бұрын алынған оқиғаларды сақтау мерзімін өзгертпейді.

Басына оралу