Бағдарламаны жылдам іске қосу шебері
Kaspersky Security Center Linux бағдарламасы, желіні қауіпсіздік қауіптерінен қорғауды қамтамасыз ететін орталықтандырылған басқару жүйесін құру үшін қажетті параметрлердің ең аз жиынтығын конфигурациялауға мүмкіндік береді. Бұл конфигурация бағдарламаны жылдам іске қосу шеберінде орындалады. Шебердің жұмысы барысында, сіз бағдарламаға келесі өзгерістерді енгізе аласыз:
- Басқару топтарындағы құрылғыларға автоматты түрде таратуға болатын кілт файлдарын қосу немесе белсендіру кодтарын енгізу.
- Басқару серверінің және басқарылатын қолданбалардың жұмысы барысында орын алатын оқиғалар туралы хабарландыруларды электрондық пошта арқылы конфигурациялау.
- Жұмыс станциялары мен серверлерді қорғау саясатын, сондай-ақ зиянды БҚ іздеу, жаңартуларды алу және басқарылатын құрылғылар иерархиясының жоғарғы деңгейі үшін деректерді сақтық көшірмелеу тапсырмаларын қалыптастыру.
Бағдарламаны жылдам іске қосу шебері Басқарылатын құрылғылар қалтасында саясаттары әлі жасалмаған бағдарламалар үшін ғана саясаттар жасайды. Осындай аттары бар тапсырмалар басқарылатын құрылғылар иерархиясының жоғары деңгейі үшін әлдеқашан жасалған болса, бағдарламаны жылдам іске қосу шебері мұндай тапсырмаларды жасамайды.
Серверге бірінші рет қосылу кезінде Басқару серверін орнатқаннан кейін, бағдарлама автоматты түрде бағдарламаны жылдам іске қосу шеберін іске қосуды ұсынады. Сондай-ақ, бағдарламаны жылдам іске қосу шеберін кез келген уақытта қолмен іске қоса аласыз.
Бағдарламаны жылдам іске қосу шеберін қолмен іске қосу үшін:
- Басты мәзірде Басқару сервері атауының жанындағы параметрлер (
) белгішесін басыңыз.
Басқару серверінің сипаттары терезесі ашылады.
- Жалпы қойыншасында Жалпы бөлімін таңдаңыз.
- Бағдарламаны жылдам іске қосу шеберін іске қосу түймесін басыңыз.
Шебер Басқару серверін бастапқы конфигурациялауды ұсынады. Содан кейін, шебердің нұсқауларын орындаңыз. Шебердің жұмысын жалғастыру үшін Келесі түймесін басыңыз.