"Лаборатория Касперского" бағдарламаларын орнату үшін қорғанысты орналастыру шеберін пайдалануға болады. Қорғанысты орналастыру шебері бағдарламаларды арнайы жасалған орнату пакеттері арқылы және тікелей дистрибутивтерден қашықтан орнатуға мүмкіндік береді.
Қорғанысты орналастыру шебері келесі әрекеттерді орындайды:
Бағдарламаны орнату үшін орнату пакетін жүктейді (егер ол бұрын жасалмаған болса). Орнату пакеті осы жолда орналасқан: Табу және орналастыру → Орналастыру және тағайындау → Орнату пакеттері. Бағдарламаны кейінірек орнату үшін осы орнату пакетін пайдалануға болады.
Құрылғылар жиынтығы немесе басқару тобы үшін қашықтан орнату тапсырмасын жасайды және іске қосады. Құрылған қашықтан орнату тапсырмасы Тапсырмалар бөлімінде сақталады. Бұл тапсырманы кейінірек қолмен іске қосуға болады. Тапсырма түрі – Бағдарламаны қашықтан орнату.
SUSE Linux Enterprise Server 15 операциялық жүйесі бар құрылғыларға Желілік агентті орнатқыңыз келсе, алдымен Желілік агентті орнату үшін insserv-compat пакетін орнатыңыз.