Қолданбаларды орнату параметрлерін конфигурациялаудың бірінші және негізгі тәсілі әмбебап болып табылады және қолданбаларды орнатудың барлық тәсілдеріне жарамды болып келеді: Kaspersky Security Center Linux құралдарымен де, үшінші тарап құралдарының көпшілігі көмегімен де. Бұл тәсіл Kaspersky Security Center Linux-де қолданбалардың орнату пакеттерін құруды білдіреді.
Орнату пакеттері келесі тәсілдермен жасалады:
Жасалған орнату пакеттері ішкі қалталары мен файлдары салынған қалталар болып саналады. Бастапқы дистрибутивтен басқа, орнату пакеті өңделетін параметрлерді (инсталлятордың өзінің параметрлерін және орнатуды аяқтау үшін операциялық жүйені қайта іске қосу қажеттілігі сияқты жағдайларды өңдеу ережелерін қоса), сондай-ақ шағын көмекші модульдерді қамтиды.
Нақты қолдау көрсетілетін қолданба үшін ерекше орнату параметрлерінің мәндерін орнату пакетін жасаған кезде Kaspersky Security Center Web Console консолінің пайдаланушы интерфейсінде белгілеуге болады. Kaspersky Security Center Linux құралдарымен қолданбаларды қашықтан орнату жағдайында орнату пакеттері қолданбаның инсталляторын іске қосқан кезде оған әкімші белгілеген барлық параметрлер қолжетімді болатындай етіп құрылғыларға жеткізіледі. "Лаборатория Касперского" қолданбаларын орнатудың бөтен құралдарын қолданған кезде барлық орнату пакетінің, яғни дистрибутив пен оның параметрлерінің құрылғыдағы қолжетімділігін қамтамасыз ету жеткілікті. Орнату пакеттері Kaspersky Security Center Linux ортақ қатынасы бар қалтаның сәйкес ішкі қалтасында жасалады және сақталады.
Орнату пакеттерінің параметрлерінде артықшылықты есептік жазбалардың деректерін көрсетпеңіз.
Microsoft Windows топтық саясаттары тетігінің көмегімен орналастыруға қолдау көрсетілмейді.
Kaspersky Security Center Linux орнатылғаннан кейін, бірден орнатуға дайын бірнеше орнату пакеттері, соның ішінде Microsoft Windows платформасына арналған Желілік агент пакеттері мен қауіпсіздік бағдарламалары автоматты түрде жасалады.
Қолданбаға арналған лицензия үшін лицензиялық кілтті орнату пакетінің сипаттарында белгілеуге болатынына қарамастан, оқуға арналған орнату пакеттерінің орасан зор қолжетімділігі себебінен бұл лицензияларды тарату тәсілін қолданбаған жөн. Автоматты түрде таратылған лицензиялық кілттерді немесе лицензиялық кілттерді орнату тапсырмаларын қолданған жөн.
Басына оралу