Жаңартуларды клиент құрылғыларына автоматты түрде тарату

Сіз таңдаған бағдарламаның жаңартулары жаңартуларды Басқару серверінің қоймасына жүктегеннен кейін бірден клиент құрылғыларына автоматты түрде таралуы үшін:

1. Клиент құрылғыларын басқаратын Басқару серверіне қосылыңыз.
2. Таңдалған клиент құрылғылары үшін осы бағдарламаның жаңартуларын келесі тәсілдердің бірімен тарату тапсырмасын жасаңыз:
   • Таңдалған басқару тобына кіретін клиент құрылғыларына жаңартуларды тарату керек болса, таңдалған топ үшін тапсырманы жасаңыз.
   • Әртүрлі басқару топтарына кіретін немесе басқару топтарына кірмейтін клиент құрылғыларына жаңартуларды тарату керек болса, құрылғыларды жинауға арналған тапсырманы жасаңыз.

   Жаңа тапсырма жасау шебері іске қосылады. Келесі шарттарды орындау арқылы, оның нұсқауларын орындаңыз:

   1. Шебердің Тапсырма түрі терезесінде, өзіңізге қажетті бағдарламаның түйінінде жаңартуларды тарату тапсырмасын таңдаңыз.

      Тапсырма түрі терезесінде көрсетілетін жаңартуларды тарату тапсырмасының атауы тапсырма жасалатын бағдарламаға байланысты. Kaspersky таңдалған бағдарламаларына арналған жаңарту тапсырмаларының атаулары туралы көбірек білу үшін осы бағдарламаларға арналған Нұсқаулықтарды қараңыз.

   2. Шебердің Кесте терезесіндегі Кесте бойынша іске қосу өрісінде Қоймаға жаңартуларды жүктеу кезінде іске қосу нұсқасын таңдаңыз.

Нәтижесінде, жаңартуларды тарату тапсырмасы жаңартуларды Басқару сервері қоймасына жүктеген сайын таңдалған құрылғылар үшін іске қосылып тұрады.

Өзіңізге қажетті бағдарламаның жаңартуларын тарату тапсырмасы таңдалған құрылғылар үшін әлдеқашан жасалып қойған болса, онда жаңартуларды клиент құрылғыларына автоматты түрде тарату үшін Кесте бөліміндегі тапсырманың сипаттар терезесіндегі Кесте бойынша іске қосу өрісінде Қоймаға жаңартуларды жүктеу кезінде іске қосу нұсқасын таңдау керек.

Сондай-ақ, қараңыз: Сценарий: Kaspersky бағдарламалары мен дерекқорларын үнемі жаңартып тұру

Басына оралу