Желілік агентті жергілікті орнату

Барлығын жаю | Барлығын жию

Құрылғыға Желілік агентті жергілікті түрде орнату үшін:

1. Құрылғыда setup.exe файлын интернет арқылы алынған дистрибутивтен іске қосыңыз. Қосымша ақпарат алу үшін келесі бөлімдерді қараңыз: Kaspersky Security Center жеткізу жиынтығынан Желілік агентті орнату пакетін алу.

   Орнату үшін Kaspersky бағдарламалары таңдалатын терезе ашылады.

2. Kaspersky Security Center 14.2 Желілік агентін ғана орнатыңыз сілтемесі бойынша бағдарламаларды таңдау терезесінде Желілік агентті орнату шеберін іске қосыңыз. Содан кейін, шебердің нұсқауларын орындаңыз.
   1. Басқару сервері

      Порт

      Желілік агенттерден қосылымдарды қабылдау үшін Басқару сервері пайдаланатын қорғалмаған порт көрсетілген.

      Әдепкі бойынша порт нөмірі – 14000.

      SSL порты

      Желілік агенттерден қосылымдарды алу үшін Басқару сервері пайдаланатын SSL порты көрсетілген.

      Әдепкі бойынша порт нөмірі – 13000.

      Басқару серверіне қосылу үшін SSL пайдалану

      Бұл параметр қосулы болса, Басқару серверіне қосылу SSL протоколының көмегімен, қорғалған порт арқылы орындалатын болады.

      Әдепкі бойынша, параметр қосулы.

      Желілік агентке UDP портын ашуға рұқсат ету

      Бұл параметр қосылса, орнату бағдарламасы клиент құрылғысын басқару және ол туралы ақпаратты алу үшін Басқару сервері пайдаланатын портты автоматты түрде ашады.

      Әдепкі бойынша, параметр қосулы.

      UDP порты

      Клиент құрылғысын басқару және ол туралы ақпаратты алу үшін Басқару сервері пайдаланатын портты конфигурациялауға мүмкіндік береді.

      Әдепкі бойынша порт нөмірі – 15000.

   2. Прокси-сервердің конфигурациясы

      Прокси-серверді пайдалану

      Бұл параметр қосылса, прокси-сервердегі түпнұсқалық растама үшін есептік деректерді көрсетуге болады.

      Прокси-сервердегі түпнұсқалық растама үшін ғана талап етілетін ең аз құқықтарға ие есептік жазба деректерін беру ұсынылады.

      Әдепкі бойынша, параметр өшірулі.

      Мекенжай

      Порт

      Есептік жазба

      Прокси-серверге қосылым орындалатын есептік жазба пайдаланушысының атауы.

      Прокси-сервердегі түпнұсқалық растама үшін ғана талап етілетін ең аз құқықтарға ие есептік жазба деректерін беру ұсынылады.

      Құпиясөз

      Прокси-серверге қосылым орындалатын есептік жазба құпиясөзі.

      Прокси-сервердегі түпнұсқалық растама үшін ғана талап етілетін ең аз құқықтарға ие есептік жазба деректерін беру ұсынылады.

   3. Қосылым шлюзі

      Қосылым шлюзін пайдаланбау

      Желілік агентті DMZ режимінде қосылым шлюзі ретінде пайдалану

      Желілік агентті, деректер жіберу уақытында Басқару серверіне қосылу, онымен байланысу және деректерді Желілік агентте қауіпсіз жерде сақтау үшін демилитаризацияланған аймақтағы қосылым шлюзі (DMZ) ретінде қолдану үшін бұл параметрді таңдаңыз.

      Басқару серверіне байланыс шлюзі арқылы қосылу

      Осы параметрді таңдап, қосылым шлюзі ретінде әрекет ететін құрылғыны көрсетіңіз.

   4. Басқару серверінің сертификаты
   5. Агенттің тегтері
   6. Қосымша параметрлер

      Белгісіз күйге ие компоненттер үшін қолданылатын жаңартулар мен патчтарды автоматты түрде орнату

      Бұл параметрді қосулы күйде қалдыру ұсынылады. Kaspersky Security Center құрамдастарына арналған автоматты жаңартуларды және патчтарды орнатуды өшіру үшін бұл жалаушаны алып тастай аласыз. Әкімші автоматты орнатуды кейінірек саясаттың көмегімен қоса алады.

      Әдепкі бойынша, параметр өшірулі.

      Желілік агент қызметін қорғау функциясын қосу

      Желілік агент басқарылатын құрылғыға орнатылғаннан кейін, құрамдасты қажетті құқықтарсыз жою немесе өзгерту мүмкін емес. Желілік агенттің жұмысын тоқтату мүмкін емес. Бұл параметр домен контроллерлеріне әсер етпейді.

      Жергілікті әкімші құқықтарымен басқарылатын жұмыс станцияларында Желілік агентті қорғау үшін осы параметрді қосыңыз.

      Әдепкі бойынша, параметр өшірулі.

      VDI үшін динамикалық режимді қосу

      Параметр қосулы болса, виртуалды машинада орнатылған Желілік агент үшін Virtual Desktop Infrastructure (VDI) үшін динамикалық режим қосылады.

      Әдепкі бойынша, параметр өшірулі.

      Виртуалды инфрақұрылым үшін Kaspersky Security Center желілік агенті параметрлерін оңтайландыру. Осалдықтарды іздеуді және қолданбалар мен жабдықты түгендеуді өшіру. Желілік агент саясатын қолдана отырып, белгіленген параметрлерді өзгерте аласыз.

      Егер параметр қосулы болса, Желілік агенттің параметрлерінде келесі функциялар өшіріледі:

      • Орнатылған бағдарламалық жасақтама туралы ақпарат алу
      • Аппараттық жасақтама туралы ақпарат алу
      • Осалдықтардың болуы туралы ақпарат алу
      • Қажетті жаңартулар туралы ақпарат алу

      Әдепкі бойынша, параметр өшірулі.

   7. Бағдарламаны іске қосу

Орнату шеберінің жұмысы аяқталғаннан кейін, құрылғыға Желілік агент орнатылады.

Сіз Kaspersky Security Center Желілік агенті қызметінің сипаттарын көре аласыз, сонымен қатар Microsoft Windows стандартты құралдары: Компьютерді басқару\Қызметтер арқылы Желілік агенттің белсенділігін іске қоса, тоқтата және бақылай аласыз.