Firebase Cloud Messaging қолдану

Kaspersky Security Center-де Android операциялық жүйесі басқаратын KES құрылғыларына пәрмендерді уақтылы жеткізу үшін push-нотификациялар механизмі пайдаланылады. KES құрылғылары мен Басқару сервері арасындағы push-нотификациялар Firebase Cloud Messaging (бұдан әрі – FCM) сервисінің көмегімен жүзеге асырылады. Kaspersky Security Center Басқару консолінде KES құрылғыларын осы сервиске қосу үшін Cloud Messaging сервисінің параметрлерін көрсете аласыз.

Firebase Cloud Messaging параметрлерін алу үшін Google есептік жазбаңыз болуы керек.

FCM қолдануды қосу үшін:

1. Басқару консолінен Ұялы құрылғыларды басқару түйіні мен Ұялы құрылғылар торабын таңдаңыз.
2. Ұялы құрылғылар қалтасының мәнмәтіндік мәзірінен Сипаттар тармағын таңдаңыз.
3. Қалта сипаттары терезесінен Google Firebase Cloud Messaging параметрлері бөлімін таңдаңыз.
4. Жіберушінің идентификаторы өрісінде Sender ID FCM енгізіңіз.
5. Жеке кілт файлы (JSON пішімінде) өрісінде жеке кілт файлын таңдаңыз.

Басқару серверімен келесі жолы синхрондау кезінде, Android операциялық жүйесі басқаратын KES құрылғылары Firebase Cloud Messaging қызметіне қосылатын болады.

Firebase Cloud Messaging параметрлерін Параметрлер бастапқы мәнге келтірілуде түймесі арқылы өзгерте аласыз.

Басқа Firebase жобасына ауысқанда, FCM жұмысы 10 минуттан кейін жалғасады.

FCM сервисі келесі мекенжайлар ауқымында жұмыс істейді:

• KES құрылғылары тарапынан 443 (HTTPS), 5228 (HTTPS), 5229 (HTTPS), 5230 (HTTPS) порттарына келесі мекенжайлардан қатынасу мүмкіндігі қажет:
  • google.com;
  • fcm.googleapis.com;
  • android.apis.google.com;
  • немесе "Google ASN 15169" тізіміндегі барлық ІР мекенжайларына.
• Басқару сервері тарапынан 443-портқа (HTTPS) келесі мекенжайлардан қатынасу қажет:
  • fcm.googleapis.com;
  • немесе "Google ASN 15169" тізіміндегі барлық ІР мекенжайларына.

Басқару консолінде Басқару серверінің сипаттарында прокси-сервердің параметрлері (Қосымша / Интернет желісіне қатынасу параметрлері) көрсетілген болса, олар FCM-мен өзара әрекеттесу үшін пайдаланылатын болады.

FCM орнату: Sender ID мен жабық кілт файлын алу

FCM конфигурациялау үшін:

1. Google порталында тіркелу.
2. Firebase консоліне өтіңіз.
3. Келесі әрекеттердің бірін орындаңыз:
   • Жобаны жасау үшін Жоба жасау түймесін басып, экрандағы нұсқауларды орындаңыз.
   • Бар жобаны ашыңыз.
4. Тегершік белгішесін басып, Жоба параметрлері тармағын таңдаңыз.

   Жоба параметрлері терезесі ашылады.

5. Cloud Messaging қойындысын таңдаңыз.
6. Firebase Cloud Messaging API (V1) бөліміндегі Sender ID өрісінен Sender ID көшіріп алыңыз.
7. Қызметтің есептік жазбалары қойындысын таңдап, Жаңа жеке кілтті жасау түймесін басыңыз.
8. Ашылған терезеде жеке кілт файлын жасау және жүктеп салу үшін Кілтті жасау түймесін басыңыз.

Firebase Cloud Messaging конфигурацияланған.

Басына оралу