Басқару сервері қызметінің есептік жазбасын ауыстыру. klsrvswch утилитасы

Kaspersky Security Center бағдарламасын орнату кезінде белгіленген Басқару сервері қызметінің есептік жазбасын өзгерту қажет болса, klsrvswch Басқару сервері есептік жазбасын ауыстыру утилитасын пайдалануыңызға болады.

Kaspersky Security Center орнату кезінде утилита автоматты түрде бағдарламаны орнату қалтасына көшіріледі.

Утилитаны іске қосу саны шектелмеген.

Сізге klsrvswch утилитасын Басқару серверін орнату үшін пайдаланылған әкімші құқықтары бар есептік жазба арқылы Басқару сервері құрылғысында іске қосу керек.

klsrvswch утилитасы есептік жазба түрін өзгертуге мүмкіндік береді. Мысалы, жергілікті есептік жазбаны қолдансаңыз, оны домендік есептік жазбаға немесе қызметтің басқарылатын есептік жазбасына (және керісінше) ауыстыра аласыз. klsrvswch утилитасы есептік жазба түрін қызметтің топтық басқарылатын есептік жазбасына (gMSA) өзгертуге мүмкіндік бермейді.

Windows Vista және одан кейінгі Windows нұсқалары Басқару сервері үшін LocalSystem есептік жазбасын пайдалануға мүмкіндік бермейді. Windows операциялық жүйелерінің осы нұсқаларында LocalSystem есептік жазбасы белсенді болмайды.

Басқару сервері қызметінің есептік жазбасын домендік есептік жазбаға өзгерту үшін:

  1. klsrvswch утилитасын Kaspersky Security Center орнату қалтасынан іске қосыңыз. Әдепкі бойынша орнату жолы: <Диск>:\Program Files (x86)\Kaspersky Lab\Kaspersky Security Center.

    Нәтижесінде, Басқару серверінің қызметтік есептік жазбасын өзгерту шебері іске қосылады. Содан кейін, шебердің нұсқауларын орындаңыз.

  2. Басқару сервері қызметінің есептік жазбасы терезесінде LocalSystem есептік жазбасы тармағын таңдаңыз.

Шебер жұмысының нәтижесінде, Басқару сервері есептік жазбасы өзгертіледі. Басқару сервер қызметі LocalSystem есептік жазбасымен іске қосылады және оның есептік деректерін пайдаланады.

Kaspersky Security Center дұрыс жұмыс істеуі үшін, Басқару сервер қызметін іске қосуға арналған есептік жазба Басқару серверінің ақпараттық дерекқорын орналастыруға арналған ресурс әкімшісінің құқықтарына ие болуы қажет.

Басқару сервері қызметінің есептік жазбасын пайдаланушы есептік жазбасына немесе қызметтің басқарылатын есептік жазбасына өзгерту үшін:

  1. klsrvswch утилитасын Kaspersky Security Center орнату қалтасынан іске қосыңыз. Әдепкі бойынша орнату жолы: <Диск>:\Program Files (x86)\Kaspersky Lab\Kaspersky Security Center.

    Нәтижесінде, Басқару серверінің қызметтік есептік жазбасын өзгерту шебері іске қосылады. Содан кейін, шебердің нұсқауларын орындаңыз.

  2. Басқару сервері қызметінің есептік жазбасы терезесінде Пайдаланушы есептік жазбасы тармағын таңдаңыз.
  3. Қазір табу түймесін басыңыз.

    Пайдаланушыларды таңдау терезесі ашылады.

  4. Пайдаланушыларды таңдау терезесінде Нысан түрлері түймесін басыңыз.
  5. Нысан түрлері тізімінде Пайдаланушылар (пайдаланушы есептік жазбасын қолданғыңыз келсе) немесе Қызметтерге арналған есептік жазба (қызметтің басқарылатын есептік жазбасын қолданғыңыз келсе) тармағын таңдаңыз да, ОК түймесін басыңыз.
  6. Нысанның атына арналған өрісте есептік жазба атауын немесе атауының бөлігін енгізіңіз және Атауларды тексеру түймесін басыңыз.
  7. Тиісті атаулар тізімінде қажетті атауды таңдап, ОК түймесін басыңыз.
  8. Қызметтердің есептік жазбалары тармағын таңдасаңыз, Есептік жазбаның құпиясөзі терезесінде Құпиясөз бен Құпиясөзді растау өрістерін бос қалдырыңыз. Пайдаланушылар тармағын таңдаған болсаңыз, пайдаланушыға арналған құпиясөзді енгізіп, оны растаңыз.

Басқару сервері қызметінің есептік жазбасы сіз таңдаған есептік жазбамен іске қосылады.

Microsoft SQL серверін Windows құралдарымен пайдаланушы есептік жазбасының түпнұсқалық растамасы режимінде пайдаланған кезде дерекқорға қатынасуды қамтамасыз ету қажет. Пайдаланушы есептік жазбасы Kaspersky Security Center дерекқорының иесі болуы тиіс. Әдепкі бойынша, dbo схемасын қолдану керек.

Басына оралу