Басқару серверінің қоймасына жаңартуларды жүктеп алу тапсырмасы үшін жаңарту көздерін қосу

Басқару серверінің қоймасына жаңартуларды жүктеп алу тапсырмасын жасағанда немесе пайдаланған кезде келесі жаңарту көздерін таңдауға болады:

• Kaspersky жаңарту серверлері
• Негізгі Басқару сервері

  Бұл ресурс қосалқы немесе виртуалды Басқару сервері үшін жасалған тапсырмаларға қатысты қолданылады.

• Жергілікті немесе желілік қалта

  Басқару серверінің қоймасына жаңартуларды жүктеп алу және Тарату нүктелерінің қоймаларына жаңартуларды жүктеп алу тапсырмаларында, егер жаңарту көзі ретінде құпиясөзбен қорғалған жергілікті немесе желілік қалта таңдалған болса, пайдаланушының аутентификациясы жұмыс істемейді. Бұл мәселені шешу үшін алдымен құпиясөзбен қорғалған қалтаны жөндеңіз, содан кейін қажетті есептік деректерді (мысалы, операциялық жүйенінің құралдарымен) көрсетіңіз. Осыдан кейін жаңартуларды жүктеу тапсырмасында жаңарту көзі ретінде осы қалтаны таңдауға болады. Kaspersky Security Center Linux сізден есептік деректерді енгізуді талап етпейді.

Kaspersky жаңарту серверлері әдепкі бойынша пайдаланылады, бірақ жаңартуларды жергілікті немесе желілік қалтадан жүктеп алуға да болады. Желіде интернетке кіру мүмкіндігі болмаса, бұл қалтаны пайдалануға болады. Бұл жағдайда Kaspersky жаңарту серверлерінен жаңартуларды қолмен жүктеп алуға және жүктелген файлдарды қажетті қалтаға орналастыруға болады.

Жергілікті немесе желілік қалтаға бір ғана жолды көрсетуге болады. Жергілікті қалта ретінде басқару сервері орнатылған құрылғыдағы қалтаны көрсету қажет. Желілік қалта ретінде FTP не HTTP серверін немесе ортақ SMB қалтасын пайдалануға болады. Егер SMB үлесі аутентификацияны қажет етсе, ол қажетті есептік деректерімен жүйеге алдын ала қосылуы керек. SMB1 протоколын пайдалану ұсынылмайды, себебі ол қауіпті.

Kaspersky жаңарту серверлерін және жергілікті немесе желілік қалтаны қоссаңыз, алдымен қалтадағы жаңартулар жүктеледі. Жүктеп алу кезінде қате орын алған жағдайда, Kaspersky жаңарту серверлері пайдаланылады.

Жаңарту көздерін қосу үшін:

1. Бағдарламаның негізгі терезесінде Құрылғылар → Тапсырмалар бөліміне өтіңіз.
2. Жаңартуларды Басқару серверінің қоймасына жүктеп алу түймесін басыңыз.
3. Бағдарлама параметрлері қойыншасына өтіңіз.
4. Жаңартулардың көздері жанында Конфигурациялау түймесін басыңыз.
5. Пайда болған терезеде Қосу түймесін басыңыз.
6. Жаңарту көздерінің тізімінде қажетті көздерді қосыңыз. Егер сіз Жергілікті немесе желілік қалта жалаушасын орнатсаңыз, қалтаға жолды көрсетіңіз.
7. OK түймесін басыңыз, содан кейін жаңарту көзінің сипаттары терезесін жабыңыз.
8. Қашықтан диагностикалау терезесінде OK түймесін басыңыз.
9. Тапсырма терезесінде Сақтау түймесін басыңыз.

Жаңартулар енді Басқару серверінің қоймасына көрсетілген көздерден жүктеледі.

Басына оралу