Басқару сервері

Kaspersky Security Center құрамдастары клиент құрылғыларында орнатылған "Лаборатория Касперского" бағдарламаларын қашықтан басқаруға мүмкіндік береді.

Басқару сервері құрамдасы орнатылған құрылғылар Басқару серверлері (бұдан әрі - Серверлер) деп аталады. Басқару серверлері рұқсатсыз қол жеткізудің кез келген түрінен, соның ішінде физикалық тұрғыдан қорғалуы тиіс.

Басқару сервері құрылғыға келесі атрибуттар жиынтығы бар қызмет ретінде орнатылады:

• kladminserver_srv атымен;
• операциялық жүйені іске қосу кезінде автоматты түрде іске қосу түрімен;
• ksc есептік жазбасымен немесе Басқару серверін орнату кезінде жасалған таңдауларға сәйкес пайдаланушы есептік жазбасымен.

Орнату параметрлерінің толық тізімін алу үшін Kaspersky Security Center Linux орнату бөлімін қараңыз.

Басқару сервері келесі функцияларды орындайды:

• басқару топтары құрылымын сақтау;
• клиент құрылғыларының конфигурациясы туралы ақпаратты сақтау;
• бағдарламалардың дистрибутивтерінің қоймаларын ұйымдастыру;
• клиент құрылғыларына бағдарламаларды қашықтан орнату және бағдарламаларды жою;
• "Лаборатория Касперского" дерекқорлары мен бағдарлама модульдерін жаңарту;
• клиент құрылғыларындағы саясат пен тапсырмаларды басқару;
• клиент құрылғыларында болған оқиғалар туралы ақпаратты сақтау;
• "Лаборатория Касперского" бағдарламаларының жұмысы туралы есептерді қалыптастыру;
• клиент құрылғыларына лицензиялық кілттерді тарату, кілт туралы ақпаратты сақтау;
• тапсырмалардың орындалу барысы туралы хабарландырулар жіберу (мысалы, клиент құрылғысында вирустарды анықтау).

Бағдарлама интерфейсіндегі Басқару серверлерін атау ережесі

Kaspersky Security Center Web Console интерфейсінде Басқару серверлерінде келесі атаулар болуы мүмкін:

• Басқару сервері құрылғысының атауы, мысалы: "құрылғы_атауы" немесе "Басқару сервері: құрылғы_атауы".
• Басқару сервері құрылғысының IP мекенжайы, мысалы: "IP_мекенжайы" немесе "Басқару сервері: IP_мекенжайы ".
• Қосалқы Басқару серверлері мен виртуалды Басқару серверлерінің жалқы есімдері бар, оларды сіз виртуалды немесе қосалқы Басқару серверін негізгі Басқару серверіне қосу кезінде көрсетесіз.
• Егер сіз Linux басқаратын құрылғыға орнатылған Kaspersky Security Center Web Console бағдарламасын қолданып жатсаңыз, онда бағдарлама жауап файлдарында сенімді деп көрсетілген Басқару серверлерінің атауын көрсетеді.

Басқару серверіне Kaspersky Security Center Web Console көмегімен қосыла аласыз.

Сондай-ақ, қараңыз: Негізгі орнату сценарийі

Басына оралу