Kaspersky Security Center дерекқорының атауын қарау

Барлығын жаю | Барлығын жию

Мысалы, SQL сұрауын жіберу және SQL скрипттер редакторынан дерекқорға қосылу қажет болса, дерекқордың атауын білу пайдалы болуы мүмкін.

Kaspersky Security Center дерекқорының атауын көру үшін:

1. Kaspersky Security Center консолі шежіресінде тінтуірдің оң жақ түймесімен Басқару сервері түйінінің мәтінмәндік мәзірін ашып, Сипаттар тармағын таңдаңыз.
2. Басқару сервері сипаттары терезесінде Кеңейтілген бөлімін, содан соң Ағымдағы дерекқор мәліметтері тармағын таңдаңыз.
3. Ағымдағы дерекқор мәліметтері бөлімінде дерекқордың келесі сипаттарына назар аударыңыз (төмендегі суретті қараңыз):
   • Үлгінің атауы

     Пайдаланылатын Kaspersky Security Center дерекқоры үлгісінің атауы. Әдепкі бойынша мәні – .\KAV_CS_ADMIN_KIT.

   • Дерекқор атауы

     Kaspersky Security Center SQL дерекқоры атауы. Әдепкі бойынша, KAV мәні көрсетілген.

   • Kaspersky Security Center дерекқоры үшін бөлінген орын

     Дерекқор файлының өлшемі. Қажетсіз деректерді тазалау қажет болса, Басқару серверіне техникалық қызмет көрсету тапсырмасы көмегімен дерекқорды қысуды конфигурациялаңыз.

   • Барлық дерекқордағы деректердің өлшемі

     ДҚБЖ-да қазір қолданылып жатқан деректердің нақты өлшемі. Келесі мақалада ДҚБЖ-ны диагностикалау әдісі сипатталған: Дерекқор өлшемі шектен асады.

   • Дерекқорда сақталатын оқиғалардың саны

     Қазіргі уақытта ДҚБЖ-ға сақталған оқиғалар саны. Мәліметтер алу үшін келесі мақаланы қараңыз: Оқиғаны өңдеу және сақтау.

   

   Басқару серверінің ағымдағы дерекқор мәліметтері бар бөлім

4. Басқару сервері сипаттары терезесін жабу үшін OK түймесін басыңыз.

SQL сұрауларында дерекқорға қосылу және жүгіну үшін осы дерекқор атауын пайдаланыңыз.

Сондай-ақ, қараңыз: Оқиғаларды SIEM жүйелеріне экспорттауды конфигурациялау

Басына оралу