Мәжбүрлеп синхрондау
Kaspersky Security Center Linux бағдарламасы басқарылатын құрылғылар үшін күйді, параметрлерді, тапсырмаларды және саясаттарды автоматты түрде синхрондайтынына қарамастан, кейбір жағдайларда әкімші белгілі бір құрылғы үшін ағымдағы уақытта синхрондау орындалғанын нақты білуі керек.
Бір құрылғыны синхрондау
Басқару сервері мен басқарылатын құрылғы арасында мәжбүрлеп синхрондауды жүзеге асыру:
- Бағдарламаның негізгі терезесінде Активтер (құрылғылар) → Басқарылатын құрылғылар бөліміне өтіңіз.
- Басқару серверімен синхрондау қажет құрылғының атауын таңдаңыз.
Ашылған сипаттар терезесінде Жалпы бөлімін таңдаңыз.
- Мәжбүрлеп синхрондау түймесін басыңыз.
Бағдарлама таңдалған құрылғыны Басқару серверімен синхрондауды орындайды.
Бірнеше құрылғыны синхрондау
Басқару сервері мен бірнеше басқарылатын құрылғылар арасында мәжбүрлеп синхрондауды жүзеге асыру:
- Басқару тобы құрылғылары тізімін немесе құрылғы таңдауларын ашыңыз:
- Құрылғылар тізімін қарау үшін құрылғы таңдауларын іске қосыңыз.
- Негізгі мәзірде Активтер (құрылғылар) → Басқарылатын құрылғылар тармағына өтіп, синхрондалатын құрылғылары бар басқару тобын таңдаңыз:
- Түбірлік топ үшін келесі қадамға өтуге болады.
- Ішкі топ үшін беттің жоғарғы жағындағы Ауқымды өзгерту түймесін басыңыз, содан кейін ашылатын терезеде ішкі топтың атауын басыңыз.
Таңдалған топ жолы беттің жоғарғы жағында көрсетіледі. Қажет болса, топқа өту үшін басқару тобының атауы бар сілтемені басуға болады. Әдепкісінше жолдағы соңғы сілтеме белсенді емес.
- Басқару серверімен синхрондауды қажет ететін құрылғылардың жанында жалауша қойыңыз.
- Басқарылатын құрылғылар тізімі үстінде көп нүктелі (
) түймесін басып, Мәжбүрлеп синхрондау түймесін басыңыз.
Бағдарлама таңдалған құрылғыларды Басқару серверімен синхрондауды орындайды.
- Құрылғылар тізімінде таңдалған құрылғылар үшін соңғы Басқару серверіне қосылу уақыты ағымдағы уақытқа өзгергенін тексеріңіз. Егер уақыт өзгермесе, Жаңарту түймесін басу арқылы беттің мазмұнын жаңартыңыз.
Таңдалған құрылғылар Басқару серверімен синхрондалады.
Саясатты жеткізу уақытын қарау
Басқару серверіндегі Kaspersky бағдарламасының саясатын өзгерткеннен кейін, әкімші өзгертілген саясаттың белгілі бір басқарылатын құрылғыларға жеткізілгенін не жеткізілмегенін тексере алады. Саясат тұрақты немесе мәжбүрлеп синхрондау кезінде жеткізілуі мүмкін.
Басқарылатын құрылғыларға бағдарлама саясатын жеткізу күні мен уақытын көру үшін:
- Бағдарламаның негізгі терезесінде Активтер (құрылғылар) → Басқарылатын құрылғылар бөліміне өтіңіз.
- Басқару серверімен синхрондау қажет құрылғының атауын таңдаңыз.
Ашылған сипаттар терезесінде Жалпы бөлімін таңдаңыз.
- Бағдарламалар қойыншасын таңдаңыз.
- Саясатты синхрондау күнін көру қажет бағдарламаны таңдаңыз.
Бағдарлама саясаты терезесі Жалпы таңдалған бөлімімен бірге ашылады және саясаттың жеткізілу күні мен уақыты көрсетіледі.