Басқару тобы құрамына құрылғыларды қолмен қосу

Құрылғыларды жылжыту ережелерін жасау арқылы немесе құрылғыларды бір басқару тобынан екіншісіне жылжыту арқылы немесе құрылғыларды таңдалған басқару тобына қосу арқылы құрылғыларды автоматты түрде басқару топтарына жылжытуға болады. Бұл бөлімде құрылғыларды басқару тобына қолмен қосу тәсілі сипатталған.

Таңдалған басқару тобына бір немесе бірнеше құрылғыны қолмен қосу үшін:

1. Бағдарламаның негізгі терезесінде Активтер (құрылғылар) → Басқарылатын құрылғылар бөліміне өтіңіз.

   

   Басқарылатын құрылғылар тізімі

2. Құрылғыларды қосқыңыз келетін басқару тобын таңдаңыз.
   • Түбірлік топ үшін:

     Бұл жағдайда келесі қадамға өтуге болады.

   • Ішкі топ үшін:
     1. Беттің жоғарғы жағындағы Құрылымды өзгерту түймесін басыңыз.
     2. Ашылған терезеде ішкі топтың атауын басыңыз.

     Таңдалған топ жолы беттің жоғарғы жағында көрсетіледі. Қажет болса, топқа өту үшін басқару тобының атауы бар сілтемені басуға болады. Әдепкісінше жолдағы соңғы сілтеме белсенді емес.

   

   Басқару тобын таңдау

3. Құрылғылар қосу түймесін басыңыз.

   Нәтижесінде, құрылғыларды жылжыту шебері іске қосылады.

4. Басқару тобына қосқыңыз келетін құрылғылардың тізімін құрастырыңыз.

   Құрылғылар тізіміне құрылғыны қосқан кезде немесе құрылғыларды табу нәтижесінде Басқару сервері дерекқорына ақпарат қосылған құрылғыларды ғана қосуға болады.

   Тізімге құрылғыларды қалай қосқыңыз келетінін таңдаңыз:

   • Құрылғылар қосу түймесін басып, құрылғыларды келесі тәсілдердің бірімен көрсетіңіз:
     • Басқару сервері анықтаған құрылғылар тізімінен құрылғыларды таңдаңыз.
     • Құрылғылардың IP мекенжайларын немесе IP ауқымын көрсетіңіз.
     • Құрылғының DNS атауын көрсетіңіз.

       Құрылғы атауы бар өрісте бос орындар, бос жерлер, сондай-ақ тыйым салынған келесі таңбалар болмауы керек: , \ / * ' " ; : & ` ~ ! @ # $ ^ ( ) = + [ ] { } | < > %

   • Құрылғыларды ТХТ пішіміндегі файлдан импорттау үшін Құрылғыларды файлдан импорттау түймесін басыңыз. Әрбір құрылғы мекенжайы (немесе құрылғы атауы) бөлек жолда орналасуы тиіс.

     Файлда бос орындар, бос жерлер, сондай-ақ тыйым салынған келесі таңбалар болмауы керек: , \ / * ' " ; : & ` ~ ! @ # $ ^ ( ) = + [ ] { } | < > %

   

   Басқару тобына жылжыту үшін құрылғылар таңдау

5. Басқару тобына қосылатын құрылғылар тізімін қараңыз. Сіз құрылғыларды қосу немесе жою арқылы тізімді өңдей аласыз.
6. Тізімде қателердің жоқ екеніне көз жеткізгеннен кейін, Келесі түймесін басыңыз.

Шебер құрылғылар тізімін өңдеп, нәтижені көрсетеді. Шебер аяқталғаннан кейін, таңдалған құрылғылар басқару тобының құрамына енеді және олар үшін Басқару сервері берген атаулары бар құрылғылар тізімінде көрсетіледі.

Сондай-ақ, қараңыз: Құрылғыны жылжыту ережелерін жасау Құрылғыларды немесе кластерлерді басқару тобының құрамына қолмен жылжыту

Басына оралу