Kaspersky Security Center Linux бағдарламасымен жұмыс істеу үшін PostgreSQL немесе Postgres Pro серверін конфигурациялау

Kaspersky Security Center Linux бағдарламасы PostgreSQL және Postgres Pro ДҚБЖ қолдайды. Егер сіз осы ДҚБЖ-нің біреуін қолдансаңыз, ДҚБЖ жүйесі мен Kaspersky Security Center Linux бағдарламасының жұмысын оңтайландыру үшін ДҚБЖ серверінің параметрлерін конфигурациялау мүмкіндігін қарастырыңыз.

Конфигурация файлының әдепкі бойынша жолы: /etc/postgresql/<НҰСҚА>/main/postgresql.conf

PostgreSQL және Postgres Pro үшін ұсынылатын параметрлер:

• shared_buffers = N

  N = ДҚБЖ орнатылған құрылғының жедел жад көлемінің 25%-ы Егер жедел жад 1 ГБ-тан аз болса, онда әдепкі бойынша мәнді қалдырыңыз.

• max_stack_depth = стектің максималды өлшемі (осы КБ мәнін алу үшін 'ulimit -s' пәрменін орындаңыз) минус 1 МБ
• temp_buffers = 24MB
• work_mem = 16MB
• max_connections = 151
• max_parallel_workers_per_gather = 0
• maintenance_work_mem = 128MB

standard_conforming_strings әдепкі бойынша on күйіне орнатылғанына көз жеткізіңіз. Конфигурацияны қолданыңыз немесе postgresql.conf файлын жаңартқаннан кейін қызметті қайта іске қосыңыз. Қосымша ақпарат алу үшін PostgreSQL құжаттамасын қараңыз.

Postgres ДҚБЖ кластерін пайдалансаңыз, барлық ДҚБЖ сервері үшін, сондай-ақ кластер конфигурациясында max_connections параметрін көрсетіңіз.

Postgres Pro 15.7 немесе Postgres Pro 15.7.1 пайдалансаңыз, enable_compound_index_stats опциясын өшіріңіз:

enable_compound_index_stats = off

PostgreSQL және Postgres Pro серверінің параметрлері, сондай-ақ осы параметрлерді қалай көрсету керектігі туралы толық ақпаратты ДҚБЖ бойынша тиісті құжаттамадан қараңыз.

PostgreSQL және Postgres Pro үшін есептік жазбаларды жасау және конфигурациялау туралы қосымша ақпаратты келесі бөлімінен қараңыз: PostgreSQL және Postgres Pro бағдарламаларымен жұмыс істеу үшін есептік жазбаларды конфигурациялау.

Сенімділігі жоғары кластерге қолдау көрсету

Жоғары дәрежеде қолжетімді MariaDB және PostgreSQL кластерлеріне қолдау көрсетіледі.

ДҚБЖ-ға қол жеткізу үшін сервер пайдаланатын Postgres рөлі келесі көріністерді оқу құқықтарына ие болуы керек (әдепкі бойынша қосулы):

• pg_stat_replication
• pg_stat_wal_receiver

Сенімділігі жоғары Postgres кластерін (14 немесе одан кейінгі нұсқа) дерекқор ретінде пайдаланған кезде, пайдаланушының pg_read_all_stats артықшылығы болуы керек. Бұл артықшылықты келесі пәрменді іске қосу арқылы беруге болады:

GRANT pg_read_all_stats TO "%1";

Бұл жерде %1 — дерекқор пайдаланушысының аты.

Пайдаланушы аты KLSRV_UNATT_DBMS_LOGIN параметрінде басқару серверін орнатқан кезде көрсетіледі.

Басына оралу