Тапсырманы жасау

Тапсырма жасау үшін:

1. Бағдарламаның негізгі терезесінде Активтер (құрылғылар) → Тапсырмалар бөліміне өтіңіз.
2. Қосу түймесін басыңыз.

   Жаңа тапсырма жасау шебері іске қосылады. Шебердің қадамдарын орындаңыз.

3. Тапсырманы жасауды аяқтау бетінде Жасап болған соң, тапсырма туралы мәліметтерді ашу параметрін қоссаңыз, әдепкі бойынша белгіленген тапсырма параметрлері мәндерін өзгерте аласыз. Егер сіз бұл параметрді қоспасаңыз, тапсырма әдепкі бойынша белгіленген параметр мәндерімен жасалады. Әдепкі бойынша параметр мәндерін кейінірек кез келген уақытта өзгертуге болады.
4. Аяқтау түймесін басыңыз.

Тапсырма жасалып, тапсырмалар тізімінде көрсетіледі.

Таңдалған құрылғыларға тағайындалған тапсырманы жасау үшін:

1. Бағдарламаның негізгі терезесінде Активтер (құрылғылар) → Басқарылатын құрылғылар бөліміне өтіңіз.

   Басқарылатын құрылғылардың тізімі көрсетіледі.

2. Басқарылатын құрылғылар тізімінде тапсырманы іске қосу қажет құрылғылардың жанына құсбелгілерді қойыңыз. Қажетті құрылғыларды табу үшін іздеу және сүзгі функцияларын пайдалана аласыз.
3. Тапсырманы іске қосу түймесін басып, Жаңа тапсырма қосу тармағын таңдаңыз.

   Жаңа тапсырма жасау шебері іске қосылады.

   Шебердің бірінші қадамында тапсырманың әрекет ету ауқымына қосу үшін таңдалған құрылғыларды жоюға болады. Шебердің нұсқауларын орындаңыз.

4. Аяқтау түймесін басыңыз.

Таңдалған құрылғылар үшін тапсырма жасалды.