Басқарылатын құрылғының параметрлері

Барлығын жаю | Барлығын жию

Басқарылатын құрылғының параметрлерін қарап шығу үшін:

1. Бағдарламаның негізгі терезесінде Активтер (құрылғылар) → Басқарылатын құрылғылар бөліміне өтіңіз.

   Басқарылатын құрылғылардың тізімі көрсетіледі.

2. Басқарылатын құрылғылар тізімінде қажетті құрылғының атауы бар сілтемеден өтіңіз.

Таңдалған құрылғы сипаттары терезесі ашылады.

Сипаттар терезесінің жоғарғы бөлігінде параметрлердің негізгі топтарын көрсететін келесі қойындылар көрсетіледі:

• Жалпы

  Бұл қойындыда келесі бөлімдер бар:

  • Жалпы бөлімі клиент құрылғысы туралы жалпы ақпаратты қамтиды. Ақпарат, клиент құрылғысын Басқару серверімен соңғы рет синхрондау барысында алынған деректер негізінде ұсынылады:
    • Атауы

      Өрісте басқару тобындағы клиент құрылғысының атауын қарап шығуға және өзгертуге болады.

    • Сипаттама

      Өрісте клиент құрылғысының қосымша сипаттамасын енгізуге болады.

    • Құрылғының күйі

      Құрылғыдағы антивирустық қорғаныс күйінің және желідегі құрылғы белсенділігінің әкімші белгілеген өлшемшарттары негізінде қалыптастырылатын клиент құрылғысының күйі.

    • Құрылғының иесі

      Құрылғы иесінің аты. Құрылғы иесін басқару сілтемесін басу арқылы пайдаланушыны құрылғы иесі ретінде тағайындауға немесе жоюға болады.

    • Толық топ атауы

      Құрамына клиент құрылғысы кіретін басқару тобы.

    • Антивирустық дерекқорларды соңғы рет жаңарту уақыты

      Құрылғыдағы антивирустық дерекқорларды немесе бағдарламаларды соңғы рет жаңарту күні.

    • Басқару серверіне қосылған уақыты

      Клиент құрылғысында орнатылған Желілік агентті Басқару серверіне соңғы рет қосу күні мен уақыты.

    • Байланысқа соңғы рет шығу уақыты

      Құрылғы соңғы рет желіде көрінген күн мен уақыт.

    • Желілік агенттің нұсқасы

      Орнатылған Желілік агенттің нұсқасы.

    • Жасалған күні

      Құрылғының Kaspersky Security Center-де жасалған күні.

    • Басқару серверімен байланысты үзбеу

      Осы параметрі қосулы болса, басқарылатын құрылғы мен Басқару сервері арасында тұрақты қосылым сақталады. Осындай қосылымды қамтамасыз ететін push-серверлерді қолданбасаңыз, осы параметрді қолдана аласыз.

      Егер параметр өшірулі болса және push серверлері пайдаланылмаса, басқарылатын құрылғы деректерді синхрондау немесе ақпаратты жіберу үшін Басқару серверіне қосылады.

      Басқару серверімен байланысты үзбеу параметрі таңдалған құрылғылардың жалпы саны 300-ден аспауы тиіс.

      Бұл параметр басқарылатын құрылғыларда әдепкі бойынша өшіріледі. Бұл параметр Басқару сервері орнатылған құрылғыда әдепкі бойынша қосылады және оны өшіруге тырыссаңыз да қосулы қалады.

  • Желі бөлімінде клиент құрылғысының желілік сипаттары туралы келесі ақпарат көрсетіледі:
    • IP мекенжайы

      Құрылғының IP мекенжайы

    • Windows домені

      Құрылғыны қамтитын жұмыс тобы.

    • DNS атауы

      Клиент құрылғысының DNS домен атауы.

    • NetBIOS атауы

      Клиент құрылғысының NetBIOS атауы.

    • IPv6 мекенжайы
  • Жүйе бөлімінде клиент құрылғысында орнатылған операциялық жүйе туралы ақпарат ұсынылған:
    • Операциялық жүйе
    • Орталық процессор құрылымы
    • Құрылғы атауы
    • Виртуалды машинаның түрі

      Виртуалды машинаның өндірушісі

    • VDI бөлігі ретінде динамикалық виртуалды машина

      Бұл жолда клиент құрылғысының VDI бөлігі ретінде динамикалық виртуалды машина екені көрсетілген.

  • Қорғаныс бөлімінде клиент құрылғысында антивирустық қорғаныстың күйі туралы келесі ақпарат ұсынылған:
    • Көзге көрінетін

      Клиенттік құрылғының көріну күйі.

    • Құрылғының күйі

      Құрылғыдағы антивирустық қорғаныс күйінің және желідегі құрылғы белсенділігінің әкімші белгілеген өлшемшарттары негізінде қалыптастырылатын клиент құрылғысының күйі.

    • Күйдің сипаттамасы

      Клиент құрылғысының қорғаныс күйі және Басқару серверіне қосылу.

    • Қорғаныс күйі

      Клиент құрылғысынның тұрақты қорғанысының ағымдағы күйі.

      Құрылғыда күй өзгергеннен кейін, жаңа күй, клиент құрылғысы Басқару серверімен синхрондалғаннан кейін ғана құрылғының сипаттары терезесінде көрсетіледі.

    • Соңғы рет толық сканерлеу уақыты

      Клиент құрылғысында зиянды БҚ соңғы іздеу күні мен уақыты.

    • Вирус анықталды

      Қауіпсіздік бағдарламасын орнатқан сәттен бастап (құрылғыны бірінші рет тексеру) немесе қауіп есептегіші соңғы нөлденген сәттен бастап клиент құрылғысында анықталған қауіптердің жалпы саны.

    • Зарарсыздандырудан өтпеген нысандар

      Клиент құрылғысындағы кейін өңделетін файлдар саны.

      Өрісте ұялы құрылғылар үшін кейін өңделетін файлдар ескерілмейді.

    • Дискілерді шифрлау күйі

      Құрылғының жергілікті дискілеріндегі файлдарды шифрлаудың ағымдағы күйі. Күйдің сипаттамасы Windows жүйесіне арналған Kaspersky Endpoint Security анықтамасында берілген.

      Файлдарды тек Kaspersky Endpoint Security for Windows орнатылған басқарылатын құрылғыларда шифрлауға болады.

  • Бағдарлама анықтаған құрылғы күйі бөлімінде клиент құрылғысында орнатылған басқарылатын бағдарлама анықтаған құрылғының күйі туралы ақпарат көрсетіледі. Құрылғының бұл күйі Kaspersky Security Center Linux анықтағаннан өзгеше болуы мүмкін.
• Бағдарламалар

  Осы қойындыда клиент құрылғысында орнатылған "Лаборатория Касперского" бағдарламаларының тізімі көрсетіледі. Бағдарлама туралы жалпы ақпаратты, құрылғыда болған оқиғалар тізімін және бағдарлама параметрлерін көру үшін бағдарлама атауын басуға болады.

• Белсенді саясаттар мен профильдері

  Осы қойындыда басқарылатын құрылғыда белсенді саясат тізімдері мен саясат профильдері көрсетіледі.

• Тапсырмалар

  Тапсырмалар қойыншасында сіз клиент құрылғысының тапсырмаларын басқара аласыз: қолданыстағы тапсырмалар тізімін қарау, жаңаларын жасау, тапсырмаларды жою, іске қосу және тоқтату, олардың параметрлерін өзгерту және орындалу нәтижелерін қарау. Тапсырмалар тізімі клиентті Басқару серверімен соңғы рет синхрондау барысында алынған деректер негізінде ұсынылады. Тапсырмалардың күйі туралы ақпаратты клиент құрылғысынан Басқару сервері сұрайды. Байланыс болмаған жағдайда, күй көрсетілмейді.

• Оқиғалар

  Оқиғалар қойыншасында таңдалған клиент құрылғысы үшін Басқару серверінде тіркелген оқиғалар көрсетіледі.

• Қауіпсіздік мәселелері

  Қауіпсіздік мәселелері қойындысында клиенттік құрылғы үшін қауіпсіздік мәселелерін көруге, өңдеуге және жасауға болады. Қауіпсіздік мәселелері клиент құрылғысында орнатылған "Лаборатория Касперского" басқарылатын бағдарламаларының көмегімен автоматты түрде де, әкімші тарапынан қолмен де жасалуы мүмкін. Мысалы, егер пайдаланушы зиянды бағдарламаларды құрылғыға жеке алынбалы дискіден үнемі тасымалдап отырса, әкімші қауіпсіздік мәселесін жасауы мүмкін. Әкімші қауіпсіздік мәселесі мәтінінде пайдаланушыға қарсы жасалуы керек жағдай мен ұсынылған әрекеттердің қысқаша сипаттамасын (мысалы, тәртіптік іс-әрекеттер) көрсете алады және пайдаланушыға не пайдаланушыларға сілтеме қоса алады.

  Қажетті әрекеттер орындалған қауіпсіздік мәселесі өңделген деп аталады. Өңделмеген қауіпсіздік мәселелерінің болуы құрылғының күйін Критикалық немесе Ескерту күйіне өзгерту шарты ретінде таңдалуы мүмкін.

  Бөлімде құрылғы үшін жасалған қауіпсіздік мәселелерінің тізімі берілген. Қауіпсіздік мәселелері маңыздылық деңгейі мен түріне қарай жіктеледі. Қауіпсіздік мәселесінің түрі қауіпсіздік мәселесін жасайтын "Лаборатория Касперского" бағдарламасы арқылы анықталады. Өңделген қауіпсіздік мәселелерін Өңделген бағанына жалауша қою арқылы тізімде белгілеуге болады.

• Тегтер

  Тегтер қойыншасында клиент құрылғысын іздеуге негізделген кілт сөздер тізімін басқаруға болады: қолданыстағы тегтер тізімін қарау, тізімнен тегтер тағайындау, автоматты түрде тег қою ережелерін конфигурациялау, жаңа тегтер қосу және ескі тегтердің атын өзгерту, тегтерді жою.

• Кеңейтілген

  Бұл қойындыда келесі бөлімдер бар:

  • Бағдарламалар тізімдемесі. Осы бөлімде клиент құрылғысында орнатылған бағдарламалар мен оларға арналған жаңартулардың тізімдемесін көруге, сондай-ақ бағдарламалар тізімдемесінің көрсетілуін конфигурациялауға болады.

    Орнатылған бағдарламалар туралы ақпарат, клиент құрылғысында орнатылған Желілік агент қажетті ақпаратты Басқару серверіне берген жағдайда беріледі. Басқару серверіне ақпаратты беру параметрлерін Қоймалар бөліміндегі Желілік агент сипаттары немесе оның саясаты конфигурациялауға болады.

    Бағдарлама атауын басқан кезде бағдарлама туралы мәліметтері және сол бағдарлама үшін орнатылған жаңарту пакеттерінің тізімі бар терезе ашылады.

  • Орындалатын файлдар. Осы бөлімде клиент құрылғысында табылған орындалатын файлдар көрсетіледі.
  • Тарату нүктелері. Бұл бөлімде құрылғы өзара әрекеттесетін тарату нүктелерінің тізімі берілген.
    • Файлға экспортталуда

      Файлға экспорттау түймесі арқылы сіз құрылғы өзара әрекеттесетін тарату нүктелерінің тізімін файлға сақтай аласыз. Әдепкі бойынша, бағдарлама құрылғылар тізімін CSV пішіміндегі файлға экспорттайды.

    • Сипаттар

      Сипаттар түймесі арқылы құрылғы өзара әрекеттесетін тарату нүктесінің параметрлерін көруге және конфигурациялауға болады.

  • Жабдық тізімдемесі. Осы бөлімде клиент құрылғысында орнатылған жабдық туралы ақпаратты көруге болады.

  • Қашықтан диагностикалау. Бұл бөлімде клиент құрылғыларын қашықтан диагностикалауға болады.