IP ауқымдарының сауалнамасы

Барлығын жаю | Барлығын жию

Kaspersky Security Center Linux бағдарламасы атауды кері түрлендіруді: көрсетілген ауқымдағы әрбір IPv4 мекенжайы үшін стандартты DNS сұраулары арқылы DNS атауын түрлендіруді орындауға тырысады. Осы операция сәтті аяқталса, сервер ICMP ECHO REQUEST (ping пәрменінің баламасы) сұрауын алынған атауға жібереді. Егер құрылғы жауап берсе, бұл құрылғы туралы ақпарат Kaspersky Security Center Linux дерекқорына қосылады. Атауды кері түрлендіру, IP мекенжайлары болуы мүмкін, бірақ желілік принтерлер немесе роутерлер сияқты компьютерлер болып саналмайтын желілік құрылғыларды алып тастау үшін қажет.

Бұл сауалнама тәсілі дұрыс конфигурацияланған жергілікті DNS қызметіне негізделеді. Оны пайдалану үшін DNS кері қарау аймағы конфигурациялануы керек. Бұл аймақ конфигурацияланған болмаса, IP ішкі желісіне жүргізілген сауалнаманың нәтижесі болмайды.

Бастапқыда Kaspersky Security Center Linux бағдарламасы өзі орнатылған құрылғының желілік параметрлерінен сауалнама өткізу үшін IP ауқымдарын алады. Құрылғы мекенжайы 192.168.0.1, ал ішкі желі бүркеніші 255.255.255.0 болса, онда Kaspersky Security Center Linux бағдарламасы автоматты түрде 192.168.0.0/24 желісін сауалнамаға арналған мекенжайлар тізіміне қосады. Kaspersky Security Center Linux бағдарламасы 192.168.0.1 және 192.168.0.254 аралығындағы барлық мекенжайларда сауалнама өткізеді.

Тек IP ауқымдарын сұрау қосулы болса, Kaspersky Security Center Linux тек IPv4 мекенжайлары бар құрылғыларды анықтайды. Желіңізде IPv6 құрылғылары болса, құрылғылардың Zeroconf сауалнамасын іске қосыңыз.

IP ауқымдарының сауалнамасы параметрлерін көру және өзгерту

IP ауқымдарының сауалнамасы параметрлерін көру және өзгерту үшін:

1. Бағдарламаның негізгі терезесінде Табу және орналастыру → Табу → IP ауқымдары бөліміне өтіңіз.
2. Сипаттар түймесін басыңыз.

   IP ауқымдарының сауалнамасы сипаттары терезесі ашылады.

3. Сауалнамаға рұқсат ету ауыстырып-қосқышын қолдану арқылы IP ауқымдарының сауалнамасын қосыңыз немесе өшіріңіз.
4. Сауалнама кестесін конфигурациялаңыз. Әдепкі бойынша, IP ауқымдарының сауалнамасы 420 минут (жеті сағат) сайын іске қосылады.

   Сауалнама аралығын көрсеткен кезде, оның мәні IP мекенжайының әрекет ету уақыты параметрінің мәнінен аспайтынына көз жеткізіңіз. IP мекенжайы IP мекенжайының әрекет ету уақыты ішінде сауалнама өткізу кезінде расталмаса, ол сауалнама нәтижелерінен автоматты түрде жойылады. Әдепкі бойынша, сұраулардың қызмет ету мерзімі 24 сағатты құрайды, өйткені DHCP (Dynamic Host Configuration Protocol – желілік түйіннің динамикалық конфигурациясы протоколы) арқылы тағайындалған динамикалық IP мекенжайлары 24 сағат сайын өзгереді.

   Сауалнама кестесінің нұсқалары:

   • N күн сайын

     Сауалнама белгіленген күн мен уақыттан бастап, көрсетілген күндер аралығымен жүйелі түрде жүргізіледі.

     Әдепкі бойынша, сауалнама ағымдағы жүйелік күн мен уақыттан бастап алты сағат сайын іске қосылып тұрады.

   • N минут сайын

     Сауалнама көрсетілген уақыттан бастап, белгіленген минуттар аралығымен жүйелі түрде жүргізіледі.

   • Апта күндері бойынша

     Сауалнама жүйелі түрде, аптаның көрсетілген күндерінде, көрсетілген уақытта орындалады.

   • Ай сайын, таңдалған апталардың көрсетілген күндері

     Сауалнама жүйелі түрде, әр айдың көрсетілген күндерінде, көрсетілген уақытта орындалады.

   • Өткізіп алынған тапсырмаларды іске қосу

     Басқару сервері өшірулі болса немесе сауалнама жоспарланған уақыт ішінде қолжетімді болмаса, Басқару сервері сауалнаманы қосқаннан кейін бірден бастай алады немесе келесі жоспарланған сауалнаманы күте алады.

     Егер бұл параметр қосулы болса, Басқару сервері сауалнаманы қосқаннан кейін бірден бастайды.

     Егер бұл параметр өшірулі болса, Басқару сервері келесі жоспарланған сауалнаманы күтеді.

     Әдепкі бойынша, параметр өшірулі.

5. Сақтау түймесін басыңыз.

Параметрлер сақталады және барлық IP ауқымдарына қатысты қолданылады.

Сауалнаманы қолмен іске қосу

Тексеруді дереу іске қосу үшін,

Сауалнаманы бастау түймесін басыңыз.