Тыныш режимде орнату (жауаптар файлымен)
Желілік агенттің орнату құралында пайдаланушының қатысуынсыз тыныш режимде орнатуға арналған параметрлер жазылған жауаптар файлымен (ss_install.xml) жұмыс істеу мүмкіндігі іске асырылған. ss_install.xml файлы MSI пакетімен бір қалтада орналасқан және тыныш режимде орнату кезінде автоматты түрде қолданылады. Сіз "/s" пәрмен жолының кілті арқылы автоматты түрде орнату режимін қоса аласыз.
Іске қосу мысалы:
| setup.exe /s |
Орнатушы бағдарламасын тыныш режимде іске қоспас бұрын, Лицензиялық келісімді оқып шығыңыз. Kaspersky Security Center Linux дистрибутиві құрамына Лицензиялық келісім мәтіні бар TXT файлы кірмесе, бұл файлды "Лаборатория Касперского" сайтынан жүктеп алуға болады.
ss_install.xml файлы Kaspersky Security Center Linux инсталляторы параметрлерінің ішкі пішімі болып табылады. Дистрибутивтер құрамында әдепкі бойынша параметрлері бар ss_install.xml файлы жеткізіледі.
ss_install.xml файлын қолмен өзгертудің қажеті жоқ. Орнату пакеттерінің параметрлері Kaspersky Security Center Web Console консолінде өзгертілгенде, бұл файл Kaspersky Security Center Linux құралдары арқылы өзгертіледі.