Басқару консолі мен Басқару серверінің қосылымын конфигурациялау
Басқару консолі Басқару серверіне TCP 13291 SSL порты бойынша қосылған. Дәл осы портты klakaut автоматтандыру нысандары қолдануы мүмкін.
TCP 14000 порты Басқару консолін, тарату нүктелерін, қосалқы Басқару серверлерін және klakaut утилитасының автоматтандыру нысандарын қосу, сондай-ақ клиент құрылғыларынан деректер алу үшін пайдаланылуы мүмкін.
Әдетте, TCP 13000 SSL портын тек Желілік агент, қосалқы Сервер және демилитаризацияланған аймақта орналасқан басты Басқару сервері ғана қолдана алады. Кейбір жағдайларда, Басқару консолін 13000 SSL порты арқылы қосу қажет болуы мүмкін:
- Басқару консолі үшін де, басқа белсенділіктер үшін де бірдей SSL портын қолданған жөн болса (клиент құрылғыларынан деректерді алу, тарату нүктелерін қосу, қосалқы Басқару серверлерін қосу үшін);
- егер klakaut утилитасын автоматтандыру нысаны Басқару серверіне тікелей емес, демилитаризацияланған аймақта орналасқан тарату нүктесі арқылы қосылса.
Басқару консолін 13000 порты бойынша қосуға рұқсат беру үшін:
- Басқару сервері орнатылған құрылғының жүйелік тізімдемесін, мысалы, жергілікті түрде Бастау → Орындау мәзіріндегі regedit пәрменінің көмегімен ашыңыз.
- Келесі бөлімге өтіңіз:
- 32 разрядты жүйе үшін:
HKEY_LOCAL_MACHINE\SOFTWARE\KasperskyLab\Components\34\.core\.independent\KLLIM
- 64 разрядты жүйе үшін:
HKEY_LOCAL_MACHINE\SOFTWARE\Wow6432Node\KasperskyLab\Components\34\.core\.independent\KLLIM
- 32 разрядты жүйе үшін:
- LP_ConsoleMustUsePort13291 (DWORD) кілтіне 00000000 мәнін белгілеңіз.
Әдепкі бойынша, бұл кілт үшін 1 мәні көрсетілген.
- Басқару сервері қызметін қайта іске қосыңыз.
Нәтижесінде, Басқару консолі 13000 портын пайдалану арқылы Басқару серверіне қосыла алады.