6-қадам. Бұлтты ортада электрондық пошта арқылы хабарландыруларды жіберу әдісін конфигурациялау

Барлығын жаю | Барлығын жию

Виртуалды клиент құрылғыларында "Лаборатория Касперского" бағдарламалары жұмыс істеген кезде тіркелетін оқиғалар туралы хабарландыру тарату параметрлерін конфигурациялаңыз. Бұл параметрлер бағдарламалардың саясаттарында әдепкі бойынша мәндер ретінде пайдаланылады.

"Лаборатория Касперского" бағдарламаларының туындайтын оқиғалары туралы хабарландырулар таратылымын конфигурациялау үшін келесі параметрлер қолжетімді:

• Алушылар (электрондық пошта мекенжайлары)

  Бағдарлама хабарландыру жіберетін пайдаланушылардың электрондық пошта мекенжайлары. Сіз бір немесе одан да көп мекенжайларды көрсете аласыз. Бірнеше мекенжайды көрсетсеңіз, оларды үтірлі нүктемен бөліңіз.

• SMTP серверлері

  Ұйымыңыздың пошта серверлерінің мекенжайы немесе мекенжайлары.

  Бірнеше мекенжайды көрсетсеңіз, оларды үтірлі нүктемен бөліңіз. Келесі параметр мәндерін пайдалануыңызға болады:

  • IPv4 мекенжайы немесе IPv6 мекенжайы;
  • Windows желісіндегі құрылғының атауы (NetBIOS атауы);
  • SMTP сервері DNS атауы.
• SMTP сервері порты

  SMTP серверінің коммуникациялық портының нөмірі. Бірнеше SMTP серверін қолдансаңыз, олармен қосылым көрсетілген коммуникациялық порт арқылы орнатылады. Әдепкі бойынша 25-порт орнатылған.

• ESMTP аутентификациясын пайдалану

  ESMTP аутентификациясын қолдауды қосу. Жалаушаны қойғаннан кейін, ESMTP аутентификациясы параметрлерін Пайдаланушы аты және Құпиясөз өрістерінде көрсетуге болады. Әдепкі бойынша, жалауша алынып тасталған.

Пошта хабарландыруларын жіберудің орнатылған параметрлерін Тексеру хабарын жіберу түймесінің көмегімен тексере аласыз. Тексеру хабары Алушылар (электрондық пошта мекенжайлары) өрісінде көрсетілген мекенжайларға сәтті түрде жеткізілген болса, демек, параметрлер дұрыс конфигурацияланған.