Орналастыру және бастапқы конфигурациялау

Kaspersky Security Center бағдарламасы таратылған бағдарлама болып саналады. Kaspersky Security Center құрамына келесі бағдарламалар кіреді:

• Басқару сервері – ұйымның құрылғыларын басқару және деректерді ДҚБЖ-де сақтау үшін жауапты орталық құрамдас.
• Басқару консолі – әкімшінің негізгі құралы. Басқару консолі Басқару серверімен бірге жеткізіледі, бірақ әкімшінің бір немесе бірнеше құрылғысына бөлек орнатылуы мүмкін.
• Kaspersky Security Center Web Console – қарапайым операцияларды орындауға арналған Басқару серверінің веб-интерфейсі. Бұл құрамдасты аппараттық және бағдарламалық жасақтамаға қойылатын талаптарға сай келетін кез келген құрылғыға орнатуға болады.
• Желілік агент – құрылғыда орнатылған қауіпсіздік бағдарламасын басқару, сондай-ақ құрылғы туралы ақпаратты алу үшін қолданылады. Желілік агенттер ұйымның құрылғыларына орнатылады.

Kaspersky Security Center бағдарламасын ұйымның желісінде орналастыру келесі тәсілдермен жүзеге асырылады.

• Басқару серверін орнату;
• Kaspersky Security Center Web Console орнату;
• Басқару консолін әкімшінің құрылғысына орнату;
• Желілік агент пен қауіпсіздік бағдарламаларын ұйымның құрылғыларына орнату.