7-қадам. Пайдаланушыға хабарлау әдісін таңдау

Барлығын жаю | Барлығын жию

Құрылғы түрі ретінде iOS MDM құрылғысы нұсқасы таңдалса немесе Пайдаланушыға жаңа сертификат туралы хабарламау нұсқасы таңдалса, бұл терезе көрсетілмейді.

Пайдаланушыға хабарлау әдісі терезесінде пайдаланушыға сертификатты ұялы құрылғыға орнату туралы хабарлау параметрлерін конфигурациялауға болады.

Аутентификация әдісі өрісінде пайдаланушы түпнұсқалық растамасы түрін көрсетіңіз:

• Тіркелгі деректері (домен немесе бүркеншік аты)

  Бұл жағдайда, пайдаланушы жаңа сертификат алу үшін Kaspersky Security Center ішкі пайдаланушысының құпиясөзін немесе домендік құпиясөзін пайдаланады.

• Бір реттік құпиясөз

  Бұл жағдайда, пайдаланушы электрондық поштаға немесе SMS арқылы жіберілетін бір реттік құпиясөзді алады. Бұл құпиясөз жаңа сертификат алу үшін көрсетілуі керек.

  Егер сіз Сертификатты жариялау параметрлері терезесінде Құрылғыға бір сертификатты бірнеше рет алуға рұқсат беру (тек "Лаборатория Касперского" қауіпсіздік қосымшалары орнатылған құрылғылар үшін) параметрін қоссаңыз, бұл параметр Құпиясөз болып өзгереді.

• Құпиясөз

  Бұл жағдайда, құпиясөз, сертификат пайдаланушыға жіберілген сайын қолданылады.

  Егер сіз Сертификатты жариялау параметрлері терезесінде Құрылғыға бір сертификатты бірнеше рет алуға рұқсат беру (тек "Лаборатория Касперского" қауіпсіздік қосымшалары орнатылған құрылғылар үшін) параметрін қоссаңыз, бұл параметр Бір реттік құпиясөз болып өзгереді.

Сертификат түрі терезесінде Ұялы құрылғы сертификаты мәні таңдалса немесе құрылғы түрі ретінде Пайдаланушы сертификатының негізінде түпнұсқалылықты тексерусіз Басқару серверіне қосылған KES құрылғысы таңдалса, осы өріс көрсетіледі.

Пайдаланушыны хабарландыру нұсқасын таңдаңыз:

• Шебердің жұмысы аяқталғаннан кейін аутентификациялау құпиясөзін көрсету

  Осы параметрді таңдасаңыз, онда пайдаланушы атауы, пайдаланушының SAM есептік жазбасының атауы (Security Account Manager) және таңдалған пайдаланушылардың әрқайсысы үшін сертификат алуға арналған құпиясөз сертификаттарды орнату шеберінің соңғы қадамында көрсетілетін болады. Пайдаланушыны орнатылған сертификат туралы хабарландыру параметрлерін конфигурациялау қолжетімді емес болады.

  Бірнеше пайдаланушыға арналған сертификаттарды қосып жатсаңыз, сіз ұсынылған есептік деректерді файлға сақтай аласыз, бұл үшін сертификаттарды орнату шеберінің соңғы қадамында Экспорт түймесін басыңыз.

  Сертификаттарды орнату шеберінің Пайдаланушыға хабарлау әдісі қадамында Тіркелгі деректері (домен немесе бүркеншік аты) тармағын таңдаған болсаңыз, бұл параметр қолжетімді болмайды.

• Пайдаланушыға жаңа сертификат туралы хабарлау

  Осы нұсқаны таңдау кезінде, сіз пайдаланушыны жаңа сертификат туралы хабарландыру параметрлерін конфигурациялай аласыз.

  • Электрондық пошта арқылы

    Электрондық пошта бойынша параметрлері блогында пайдаланушыға сертификатты өз ұялы құрылғысына орнату туралы электрондық пошта хабарлары көмегімен хабарлау параметрлерін конфигурациялай аласыз. Осылай хабарлау әдісі, SMTP сервері конфигурацияланған болса ғана қолжетімді.

    Хабарды қарап шығу және қажет болса, өзгерту үшін Хабарды өңдеу сілтемесінен өтіңіз.

  • SMS арқылы

    Осы параметрлер блогында пайдаланушыға сертификатты өз ұялы құрылғысына орнату туралы SMS хабарлары көмегімен хабарлау параметрлерін конфигурациялай аласыз. Осылай хабарлау әдісі, SMS хабарландырулары конфигурацияланған болса ғана қолжетімді.

    Хабарды қарап шығу және қажет болса, өзгерту үшін Хабарды өңдеу сілтемесінен өтіңіз.