Оқиға түрі сипаттамасы деректерінің құрылымы

Оқиғалардың әр түрі үшін оның аты, идентификаторы, әріптік коды, сипаттамасы және әдепкі бойынша сақтау уақыты көрсетіледі.

• Оқиға түрінің көрсетілетін атауы. Бұл мәтін Kaspersky Security Center бағдарламасында оқиғаларды орнатқан кезде және олар пайда болған кезде көрсетіледі.
• Оқиға түрі идентификаторы. Бұл сандық код үшінші тарап оқиғаларын талдау құралдарын қолдана отырып, оқиғаларды өңдеуде қолданылады.
• Оқиға түрі (әріптік код). Бұл код Kaspersky Security Center дерекқорының жария көріністерін пайдалана отырып, оқиғаларды қарау және өңдеу кезінде және оқиғаларды SIEM жүйелеріне экспорттау кезінде пайдаланылады.
• Сипаттамасы. Бұл мәтінде оқиға болған кездегі жағдайдың сипаттамасы және бұл жағдайда не істеуге болатыны туралы сипаттама келтірілген.
• Әдепкі бойынша сақтау мерзімі. Бұл, оқиға Басқару серверінің дерекқорында сақталатын және Басқару сервері оқиғаларының тізімінде көрсетілетін күндер саны. Осы кезең аяқталғаннан кейін, оқиға жойылады. Егер оқиғаны сақтау уақытының мәні 0 болып көрсетілсе, мұндай оқиғалар тіркеледі, бірақ Басқару сервері оқиғалары тізімінде көрсетілмейді. Егер сіз осындай оқиғаларды операциялық жүйенің оқиғалар журналында сақтауды конфигурациялаған болсаңыз, оларды сол жерден таба аласыз.

  Оқиғаларды сақтау уақытын өзгертуге болады:

  • Басқару консолі: Оқиғаны сақтау мерзімін конфигурациялау.
  • Kaspersky Security Center Web Console: Оқиғаны сақтау мерзімін конфигурациялау.

Басқа деректер келесі өрістерді қамтуы мүмкін:

• event_id: автоматты түрде жасалатын және тағайындалатын дерекқордағы бірегей оқиға нөмірі. Оны Оқиға түрі идентификаторымен шатастырмау керек.
• task_id: орындау нәтижесінде оқиға туындаған тапсырма идентификаторы (ондай бар болса).
• severity: келесі маңыздылық деңгейлерінің бірі (маңыздылықтың өсуі ретімен):

  0) Жол бергісіз маңыздылық деңгейі.

  1) Ақпараттық.

  2) Ескерту.

  3) Қате.

  4) Критикалық.