16-қадам. Басқару серверіне қосылу параметрлерін конфигурациялау

Барлығын жаю | Барлығын жию

Басқару серверіне қосылу параметрлерін конфигурациялаңыз:

• Порт

  Басқару серверіне қосылу орындалатын порт нөмірі.

  Әдепкі бойынша 14000-порт орнатылған.

• SSL порты

  SSL протоколын қолдана отырып, Басқару серверіне қауіпсіз қосылу жүзеге асырылатын SSL порты нөмірі.

  Әдепкі бойынша 13000-порт орнатылған.

• Шифрлау кілтінің ұзындығы

  Шифрлау кілтінің ұзындығын таңдаңыз: 1024 бит немесе 2048 бит.

  1024 биттік ұзындығы бар шифрлау кілті процессорға аз жүктеме түсіреді, бірақ ескірген болып саналады және техникалық сипаттамалары жағынан сенімді түрде шифрлауды қамтамасыз ете алмауы мүмкін. Сондай-ақ, қолданыстағы жабдық 1024 биттік кілт ұзындығы бар SSL сертификаттарымен үйлесімді болмауы мүмкін.

  2048 биттік ұзындығы бар шифрлау кілті заманға сай шифрлау стандарттарына сай келеді. Дегенмен, 2048 биттік шифрлау кілтін пайдалану процессорға қосымша жүктеме түсіруі мүмкін.

  Әдепкі бойынша 2048 бит (жоғары қауіпсіздік) нұсқасы таңдалған.