Windows операциялық жүйесі орнатылған клиент құрылғыларына қосылу

Windows операциялық жүйесі бар клиент құрылғысына екі жолмен қашықтан қосылуға болады:

• Microsoft Windows "Қашықтағы жұмыс үстеліне қосылу" стандартты құрамдасының көмегімен.

  Қашықтағы жұмыс үстеліне қосылу Windows mstsc.exe штаттық утилитасы арқылы, осы утилитаның жұмыс параметрлеріне сай орындалады.

• Windows Жұмыс үстелін бірлесіп пайдалану технологиясы көмегімен.

Қашықтағы жұмыс үстеліне қосылу арқылы Windows операциялық жүйесінің көмегімен клиент құрылғысына қосылу

Пайдаланушының қашықтағы жұмыс үстелінің қолданыстағы сеансына қосылу, пайдаланушыны хабарландырусыз жүзеге асырылады. Әкімшіні сеансқа қосқаннан кейін, құрылғының пайдаланушысы сеанстан алдын ала хабарландырусыз өшіріледі.

"Қашықтағы жұмыс үстеліне қосылу" құрамдасы арқылы клиент құрылғысының жұмыс үстеліне қосылу үшін:

1. Басқару консолі ағашына қатынасқыңыз келетін құрылғыны таңдаңыз.
2. Құрылғының мәнмәтіндік мәзірінен Барлық тапсырмалар → Құрылғыға қосылу → Жаңа RDP сеансы тармағын таңдаңыз.

   Нәтижесінде, қашықтағы жұмыс үстеліне қосылу үшін Windows ОЖ-нің mstsc.exe стандартты утилитасы іске қосылады.

3. Утилитаның ашылатын терезелеріндегі нұсқауларды орындаңыз.

Клиент құрылғысына қосылғаннан кейін, клиент құрылғысының жұмыс үстелі Microsoft Windows қашықтан қосылу терезесінде қолжетімді.

Windows жұмыс үстелін бірлесіп пайдалану арқылы Windows операциялық жүйесінің көмегімен клиенттік құрылғыға қосылу

Қолданыстағы қашықтағы жұмыс үстелі сеансына қосылған кезде, құрылғыдағы осы сеанстың пайдаланушысы әкімшіден қосылуға сұрау алады. Құрылғымен қашықтан жұмыс істеу процесі және осы жұмыстың нәтижелері туралы ақпарат Kaspersky Security Center есептерінде сақталмайды.

Әкімші клиент құрылғысында қолданылатын сеансқа, сол сеанста жұмыс істейтін пайдаланушыны ажыратпай, қосыла алады. Бұл жағдайда, құрылғыдағы әкімші мен сеанс пайдаланушысы жұмыс үстеліне ортақ қол жеткізе алады.

Әкімші қашықтағы клиент құрылғысында әрекеттер аудитін конфигурациялай алады. Аудит барысында, бағдарлама әкімші ашқан және/немесе өзгерткен клиент құрылғысындағы файлдар туралы ақпаратты сақтайды.

Windows жұмыс үстелін бірлесіп пайдалану арқылы клиент құрылғысының жұмыс үстеліне қосылу үшін келесі шарттар орындалуы керек:

• Әкімшінің жұмыс станциясында Microsoft Windows Vista операциялық жүйесі немесе одан кейінгі нұсқасы орнатылған. Басқару сервері орнатылған құрылғының операциялық жүйесінің түрі Windows компьютерлік бөлісу қызметі арқылы қосылуға шектеу емес.

  Windows нұсқаңызда Windows Жұмыс үстелін бірлесіп пайдалану функциясы қосылғанын тексеру үшін Windows тізімдемесінде CLSID\{32BE5ED2-5C86-480F-A914-0FF8885A1B3F} қосулы екеніне көз жеткізіңіз.

• Клиент құрылғысында Microsoft Windows Vista операциялық жүйесі немесе одан кейінгі нұсқасы орнатылған.
• Kaspersky Security Center бағдарламасы Осалдықтар мен патчтарды басқаруға арналған лицензияны қолданады.

Windows жұмыс үстелін бірлесіп пайдалану арқылы клиент құрылғысының Windows жұмыс үстеліне қосылу үшін:

1. Басқару консолі ағашына қатынасқыңыз келетін құрылғыны таңдаңыз.
2. Құрылғының мәнмәтіндік мәзірінен Барлық тапсырмалар → Құрылғыға қосылу → Windows компьютерлік бөлісу қызметін пайдалану тармағын таңдаңыз.
3. Қашықтағы жұмыс үстелінің сеансын таңдау ашылған терезесінде, қосылу қажеті клиент құрылғысындағы сеансты таңдаңыз.

   Клиент құрылғысына сәтті қосылған жағдайда, бұл құрылғының жұмыс үстелі «Лаборатория Касперского» қашықтағы жұмыс үстелі сеансын көру құралы терезесінде қолжетімді болады.

4. Құрылғымен өзара іс-қимылды бастау үшін, «Лаборатория Касперского» қашықтағы жұмыс үстелі сеансын көру құралы терезесінің бас терезесінде Әрекеттер → Интерактивті режим тармағын таңдаңыз.