Шифрлау туралы есептерді қалыптастыру және қарау

Сіз келесі есептерді құрастыра аласыз:

• Басқарылатын құрылғыларды шифрлаудың күйі туралы есеп. Бұл есепте түрлі басқарылатын құрылғылардың деректерін шифрлау туралы мәлімет көрсетілген. Мысалы, есепте конфигурацияланған шифрлау ережелері бар саясат қолданылатын құрылғылардың саны көрсетілген. Сондай-ақ, мысалы, қанша құрылғыны қайта іске қосу керектігін білуге болады. Сондай-ақ, есепте әрбір құрылғы үшін шифрлау технологиясы мен алгоритмі туралы ақпарат қамтылған.
• Жаппай сақтау құрылғыларының шифрлау күйлері туралы есеп беру. Бұл есеп, басқарылатын құрылғыларды шифрлау күйі туралы есепке ұқсас ақпаратты қамтиды, бірақ деректерді тек жаппай сақтау құрылғыларына және алынбалы жетектерге ғана ұсынады.
• Шифрланған құрылғыға қатынасу құқықтары туралы есеп. Бұл есеп шифрланған қатты дискіге қандай пайдаланушы есептік жазбалары кіретінін көрсетеді.
• Файлдарды шифрлау қателері туралы есеп. Есепте құрылғылардағы деректерді шифрлау немесе шифрсыздау тапсырмаларын орындау кезінде пайда болған қателер туралы ақпарат бар.
• Шифрланған файлдарға қатынасты бұғаттау туралы есеп. Есепте бағдарламалардың шифрланған файлдарға қатынасуын бұғаттау туралы ақпарат бар. Бұл есеп, авторизацияланбаған пайдаланушы немесе бағдарлама шифрланған файлдарға немесе қатты дискілерге қатынас алуға әрекеттеніп жатса, пайдалы болады.

Құрылғыларды шифрлау есебін құрастыру үшін:

1. Консоль ағашында Деректерді шифрлау және қорғау қалтасын таңдаңыз.
2. Келесі әрекеттердің бірін орындаңыз:
   • Басқарылатын құрылғыларды шифрлаудың күйі туралы есепті құрастыру үшін Жаппай сақтау құрылғыларын шифрлау күйі туралы есепті көру сілтемесінен өтіңіз.

     Есеп бұған дейін конфигурацияланбаған болса, есеп үлгісін жасау шебері іске қосылады. Содан кейін, шебердің нұсқауларын орындаңыз.

   • Жаппай сақтау құрылғыларының шифрлау күйлері туралы есепті құрастыру үшін, консоль ағашында Шифрланған құрылғы ішкі қалтасын таңдап, Жаппай сақтау құрылғыларын шифрлау күйі туралы есепті көру түймесін басыңыз.

Есепті іске қосу процесі басталады. Есеп Есептер қойыншасындағы Басқару сервері түйінінің жұмыс аймағында көрсетіледі.

Шифрланған құрылғыларға қатынасу құқығы туралы есепті қалыптастыру үшін:

1. Консоль ағашында Деректерді шифрлау және қорғау қалтасын таңдаңыз.
2. Келесі әрекеттердің бірін орындаңыз:
   • Шифрланған құрылғыларды басқару блогындағы Шифрланған құрылғыға қатынасу құқықтары туралы есеп сілтемесі бойынша есеп үлгісін жасау шеберін іске қосыңыз.
   • Шифрланған құрылғы салынған қалтасын таңдаңыз, содан соң Шифрланған құрылғыға қатынасу құқықтары туралы есеп түймесін басып есеп үлгісін жасау шеберін іске қосыңыз.
3. Есеп үлгісін жасау шебері қадамдарын орындаңыз.

Есепті іске қосу процесі басталады. Есеп Есептер қойыншасындағы Басқару сервері түйінінің жұмыс аймағында көрсетіледі.

Файлдарды шифрлау қателері туралы есепті құрастыру үшін:

1. Консоль ағашында Деректерді шифрлау және қорғау қалтасын таңдаңыз.
2. Келесі әрекеттердің бірін орындаңыз:
   • Деректерді шифрлау қателері басқару блогында Файлдарды шифрлау қателері туралы есепті көру сілтемесі бойынша есеп үлгісін жасау шеберін іске қосыңыз.
   • Шифрлау оқиғалары салынған қалтасын таңдап, Файлдарды шифрлау қателері туралы есеп сілтемесі бойынша есеп үлгісін жасау шеберін іске қосыңыз.
3. Есеп үлгісін жасау шебері қадамдарын орындаңыз.

Есепті іске қосу процесі басталады. Есеп Есептер қойыншасындағы Басқару сервері түйінінің жұмыс аймағында көрсетіледі.

Басқарылатын құрылғыларды шифрлаудың күйі туралы есепті құрастыру үшін:

1. Консоль ағашында өзіңізге қажетті Басқару серверінің атауы бар торапты таңдаңыз.
2. Тораптың жұмыс аймағында Есептер қойыншасын таңдаңыз.
3. Жаңа есеп үлгісі түймесі арқылы есеп үлгісін жасау шеберін іске қосыңыз.
4. Есеп үлгісін жасау шеберінің нұсқауларын орындаңыз. Есеп үлгісінің түрін таңдау терезесі, Басқа бөлімінде Басқарылатын құрылғыларды шифрлаудың күйі туралы есепті таңдаңыз.

   Есеп үлгісін жасау шеберінің жұмысы аяқталғаннан кейін, Басқару сервері түйінінде, Есептер қойыншасында жаңа есеп үлгісі пайда болады.

5. Қажетті Басқару серверінің түйінінде Есептер қойыншасында нұсқаулықтың алдыңғы қадамдарында жасалған есеп үлгісін таңдаңыз.

Есепті іске қосу процесі басталады. Есеп Есептер қойыншасындағы Басқару сервері түйінінің жұмыс аймағында көрсетіледі.

Құрылғылардың шифрлау күйлері мен алынбалы жетектердің шифрлау саясатына сәйкестігі туралы ақпаратты Басқару сервері түйінінің Статистика қойыншасындағы ақпараттық тақталардан да көруге болады.

Шифрланған файлдарға қатынасты бұғаттау туралы есепті құрастыру үшін:

1. Консоль ағашында өзіңізге қажетті Басқару серверінің атауы бар торапты таңдаңыз.
2. Тораптың жұмыс аймағында Есептер қойыншасын таңдаңыз.
3. Жаңа есеп үлгісі түймесі бойынша есеп үлгісін жасау шеберін іске қосыңыз.
4. Есеп үлгісін жасау шеберінің нұсқауларын орындаңыз. Есеп үлгісінің түрін таңдау терезесінде, Басқа бөлімінде Шифрланған файлдарға қатынасты бұғаттау туралы есеп тармағын таңдаңыз.

   Есеп үлгісін жасау шеберінің жұмысы аяқталғаннан кейін, Басқару сервері түйінінде, Есептер қойыншасында жаңа есеп үлгісі пайда болады.

5. Басқару сервері түйінінде Есептер қойыншасында нұсқаулықтың алдыңғы қадамдарында жасалған есеп үлгісін таңдаңыз.

Есепті іске қосу процесі басталады. Есеп Есептер қойыншасындағы Басқару сервері түйінінің жұмыс аймағында көрсетіледі.