Exchange ActiveSync ұялы құрылғыларын басқару

Бұл бөлімде Kaspersky Security Center көмегімен EAS құрылғыларын басқарудың қосымша мүмкіндіктері сипатталған.

EAS құрылғыларын командалар арқылы басқарудан басқа, әкімші келесі мүмкіндіктерді пайдалана алады:

• EAS құрылғыларын басқару профильдерін жасау, оларды пайдаланушылардың пошта жәшіктеріне тағайындау. EAS құрылғыларын басқару профилі – бұл Microsoft Exchange серверінде EAS құрылғыларын басқару үшін қолданылатын Exchange ActiveSync саясаты. EAS құрылғыларын басқару профилінде келесі параметрлер топтарын конфигурациялауға болады:
  • пайдаланушы құпиясөзін басқару параметрлері;
  • поштаны синхрондау параметрлері;
  • ұялы құрылғы функцияларын пайдалануға қойылатын шектеулер;
  • ұялы құрылғыда ұялы қолданбаларды пайдалануға қойылатын шектеулер.

  Ұялы құрылғының үлгісіне байланысты басқару профилінің параметрлерін ішінара қолдануға болады. Exchange ActiveSync саясатын қолдану күйін ұялы құрылғының сипаттарынан көре аласыз.

• EAS құрылғыларын басқару параметрлері туралы ақпаратты қарау. Мысалы, ұялы құрылғының сипаттарында әкімші ұялы құрылғыны Microsoft Exchange серверімен соңғы синхрондау уақытын, EAS құрылғысының идентификаторын, Exchange ActiveSync саясатының атауын және оны ұялы құрылғыда қолдану күйін көре алады.
• Пайдаланушылар пайдаланбайтын EAS құрылғыларын басқарудан ажырату.
• Active Directory сауалнамасының параметрлерін Exchange ActiveSync Ұялы құрылғылар сервері тарапынан конфигурациялау, соның нәтижесінде пайдаланушылардың пошта жәшіктері мен олардың ұялы құрылғылары туралы ақпарат жаңартылады.