Ұялы құрылғыларды басқаруға арналған пәрмендер
Kaspersky Security Center бағдарламасы ұялы құрылғыларды басқаруға арналған пәрмендерді қолдайды.
Пәрмендер ұялы құрылғыларды қашықтан басқару үшін қолданылады. Мысалы, пәрмен арқылы ұялы құрылғы жоғалған жағдайда, құрылғыдан корпоративтік деректерді жоюға болады.
Басқарылатын ұялы құрылғылардың келесі түрлері үшін пәрмендерді пайдалануға болады:
- iOS MDM құрылғылары;
- KES құрылғылары;
- EAS құрылғылары.
Құрылғының әрбір түрі әртүрлі пәрмендер жиынтығын қолдайды.
Кейбір пәрмендердің ерекшеліктері
- Құрылғылардың барлық түрлері үшін Зауыттық параметрлерге қалпына келтіру пәрмені сәтті орындалған жағдайда, барлық деректер құрылғыдан жойылады, құрылғы конфигурациялары зауыттық конфигурацияларға дейін қалпына келтіріледі.
- iOS MDM құрылғылары үшін, Корпоративтік деректерді жою пәрмені сәтті орындалған жағдайда құрылғыдан барлық орнатылған конфигурациялық профильдер, provisioning профильдері, iOS MDM профилі және iOS MDM профилімен бірге жою қойылған қолданбалар жойылады.
- KES құрылғылары үшін, Корпоративтік деректерді жою пәрмені сәтті орындалған жағдайда, құрылғыдан корпоративтік деректер, Контактілердегі жазбалар, SMS тарихы, қоңыраулар журналы, күнтізбе, интернетке қосылу параметрлері, Google есептік жазбасынан басқа пайдаланушы есептік жазбалары жойылады. KES құрылғылары үшін жад картасынан қосымша деректер жойылады.
- Орналасқан жерді анықтау пәрменін KES құрылғыларына жібермес бұрын, сізге осы пәрменді ұйымыңызға немесе қызметкерлердің біріне тиесілі жоғалған құрылғыны рұқсатпен іздеу үшін қолданатыныңызды растау қажет болады. Орналасқан жерді анықтау пәрменін қабылдайтын ұялы құрылғы бұғатталмаған.
Ұялы құрылғыларға арналған пәрмендер тізімі
Төмендегі кестеде iOS MDM құрылғыларына арналған пәрмендер тізімі берілген.
Ұялы құрылғыларды басқаруға арналған қолдау көрсетілетін пәрмендер тізімі: iOS MDM құрылғылары
| Пәрмендер | Пәрменді орындау нәтижесі |
|---|---|
| Құлыптау | Ұялы құрылғы бұғатталды. |
| Құлпын ашу | Ұялы құрылғыны PIN-кодпен бұғаттау өшірулі. Бұрын орнатылған PIN коды қалпына келтірілді. |
| Зауыттық параметрлерге қалпына келтіру | Ұялы құрылғыдан барлық деректер жойылды, ұялы құрылғы конфигурациялары зауыттық конфигурацияларға дейін қалпына келтірілді. |
| Корпоративтік деректерді жою | Барлық орнатылған конфигурациялық профильдер, provisioning профильдері, iOS MDM профилі және iOS MDM профилімен бірге жою жалаушасы қойылған қолданбалар жойылды. |
| Құрылғыны синхрондау | Ұялы құрылғы деректері Басқару серверімен синхрондалған. |
| Профильді орнату | Конфигурациялық профиль ұялы құрылғыға орнатылған. |
| Профильді жою | Конфигурациялық профиль ұялы құрылғыдан жойылды. |
| Рrovisioning профилін орнату | Provisioning профилі ұялы құрылғыға орнатылған. |
| Рrovisioning профилін жою | Provisioning профилі ұялы құрылғыдан жойылған. |
| Бағдарламаны орнату | Қолданба ұялы құрылғыға орнатылған. |
| Бағдарламаны жою | Қолданба ұялы құрылғыдан жойылды. |
| Өтеу кодын енгізу | Ақылы қолданбаның өтеу коды енгізілді. |
| Роуминг параметрлерін теңшеу | Деректер роумингі және дауыстық роуминг қосулы немесе өшірулі. |
Төмендегі кестеде KES құрылғыларына арналған пәрмендер тізімі берілген.
Ұялы құрылғыларды басқаруға арналған қолдау көрсетілетін пәрмендер тізімі: iOS MDM құрылғылары
| Пәрмен | Пәрменді орындау нәтижесі |
| Құлыптау | Ұялы құрылғы бұғатталды. |
| Құлпын ашу | Ұялы құрылғыны PIN-кодпен бұғаттау өшірулі. Бұрын орнатылған PIN коды қалпына келтірілді. |
| Зауыттық параметрлерге қалпына келтіру | Ұялы құрылғыдан барлық деректер жойылды, ұялы құрылғы конфигурациялары зауыттық конфигурацияларға дейін қалпына келтірілді. |
| Корпоративтік деректерді жою | Корпоративтік деректер, Контактілердегі жазбалар, SMS тарихы, қоңыраулар журналы, күнтізбе, интернетке қосылу параметрлері, Google есептік жазбасынан басқа пайдаланушы есептік жазбалары жойылды. Жад картасынан деректер жойылды. |
| Құрылғыны синхрондау | Ұялы құрылғы деректері Басқару серверімен синхрондалған. |
| Құрылғының орналасқан жерін анықтау | Ұялы құрылғының орналасқан жері Google Карталар қызметінде анықталған және көрсетілген. Ұялы байланыс операторы SMS және интернет беру үшін ақы алады. |
| Құжат фотосуреті | Ұялы құрылғы бұғатталды. Фотосурет құрылғының алдыңғы камерасымен жасалған және Басқару серверінде сақталған. Фотосуреттерді пәрмендер журналында көруге болады. Ұялы байланыс операторы SMS және интернет беру үшін ақы алады. |
| Дабыл сигналы | Ұялы құрылғы дыбыстық сигнал шығарады. |
Төмендегі кестеде EAS құрылғыларына арналған пәрмендер тізімі берілген.
Ұялы құрылғыларды басқаруға арналған қолдау көрсетілетін пәрмендер тізімі: iOS MDM құрылғылары
| Пәрмендер | Пәрменді орындау нәтижесі |
|---|---|
| Зауыттық параметрлерге қалпына келтіру | Ұялы құрылғыдан барлық деректер жойылды, ұялы құрылғы конфигурациялары зауыттық конфигурацияларға дейін қалпына келтірілді. |