Интернеттен қатынасу: Желілік агентті DMZ режимінде қосылым шлюзі ретінде пайдалану
Басқару сервері ұйымның ішкі желісінде орналасуы мүмкін, ал желінің демилитаризацияланған аймағында кері қосылым бағыты бар қосылым шлюзі ретінде жұмыс істейтін Желілік агенті бар құрылғы орналасуы мүмкін (Басқару сервері Желілік агентпен қосылым орнатады). Бұл жағдайда, интернеттен қатынасуды ұйымдастыру үшін келесі шарттарды орындау қажет:
- Желілік агент демилитаризацияланған аймақтағы құрылғыға орнатылуы керек. Желілік агентті орнату кезінде орнату шеберінің Қосылым шлюзі терезесінде Желілік агентті DMZ режимінде қосылым шлюзі ретінде пайдалану тармағын таңдаңыз.
- Қосылым шлюзі орнатылған құрылғысын тарату нүктесі ретінде қосуға болады. Қосылым шлюзін қоссаңыз, Тарату нүктесін қосу терезесінде Таңдау → Келесі мекенжай бойынша демилитаризацияланған аймақта орналасқан қосылымдар шлюзін қосу параметрін таңдаңыз.
- Сыртқы үстел үсті компьютерлерін Басқару серверіне қосу мақсатымен интернетті пайдалану үшін Желілік агенттің орнату пакетін өзгерту қажет. Жасалған орнату пакетінің сипаттарында Қосымша →Басқару серверіне байланыс шлюзі арқылы қосылу параметрін таңдап, жаңадан жасалған қосылым шлюзін көрсетіңіз.
Демилитаризацияланған аймақта орналасқан қосылым шлюзі үшін Басқару сервері Басқару серверінің сертификаты қол қойған сертификатты жасайды. Егер әкімші Басқару серверіне пайдаланушы сертификатын белгілеу туралы шешім қабылдаса, онда мұны демилитаризацияланған аймақта қосылым шлюзін жасамас бұрын жасау керек.
Егер жергілікті желіден де, интернеттен де Басқару серверіне қосыла алатын ноутбуктері бар қызметкерлер болса, Желілік агент саясатында Желілік агентті ауыстыру ережесін құрған жөн.