Банк веб-сайтын қорғалған шолғышта ашу

Банк веб-сайтын қорғалған шолғышта ашу үшін келесі әрекеттердің бірін орындаңыз:

• Тапсырмалар тақтасының хабарландырулар аумағындағы бағдарлама белгішесінің контекстік мәзірінен өткіңіз келетін веб-сайттың банкін таңдаңыз.
• Шолғышты қалыпты режимде ашып, мекенжайды енгізу жолағында банк веб-сайтын енгізіңіз.

  Осы жағдайда банк веб-сайтына қорғалған шолғыштан өту банк орнатқан параметрлерге байланысты болады.

• Банк веб-сайтын жұмыс үстеліндегі банк таңбашасын тінтуірмен екі рет түрту арқылы ашыңыз.
• Бағдарламаның негізгі терезесіндегі Менің банкім бөлімінде банк атауы көрсетілген сілтеме арқылы өтіңіз.

Банк веб-сайты бағдарлама параметрлерінде көрсетілген қорғалған шолғышта ашылады.

Microsoft Edge шолғышы қорғалған шолғыш режимінде істемейді, оның орнына Internet Explorer немесе бағдарлама параметрлерінде көрсетілген шолғыш қосылады.

Веб-сайтты қорғалған шолғышта ашқан кезде, Kaspersky Fraud Prevention for Endpoints веб-сайтпен қосылым қауіпсіздігін тексереді, осыдан кейін шолғыш айналасында жақтау пайда болады. Жақтау түсі тексеру нәтижесі мен қорғаныс күйін білдіреді.

Бағдарлама лицензиясы жоқ банктердің веб-сайттарымен байланысты тексермейді.

Шолғыш терезесінің жақтау түсінің келесі индикациялық нұсқалары болады:

• Жақтаудың жасыл түсі. Барлық тексерулер сәтті өткенін білдіреді. Жұмысты қорғалған шолғышта жалғастыруға болады.
• Жақтаудың сары түсі. Тексеру кезінде жойылуы керек қауіпсіздікке қатысты ақаулықтар табылғанын білдіреді.

  Табылған қауіп жойылмаса, банк веб-сайтына не төлем жүйесіне қосылу сеансының қауіпсіздігіне кепілдік берілмейді. Қауіпсіздігі төмендетілген қорғалған шолғышты іске қосу мен жұмыс істеуге қатысты оқиғалар Windows оқиғалар журналына жазылады.

  Сондай-ақ, жақтаудың сары түсі қорғалған шолғышты іске қосу техникалық шектеулер үшін мүмкін емес екенін білдіруі мүмкін. Мысалы, үшінші тарап өңдірушінің гипервизоры қосылған не компьютеріңіз аппараттық виртуализация технологиясына қолдау көрсетпейді.

Веб-сайтты тексеру кезінде келесі ақаулықтар пайда болуы мүмкін:

• Веб-сайт сертификаты қателікпен жарамсыз ретінде анықталды. Kaspersky Fraud Prevention for Endpoints бағдарламасы веб-сайт сертификатын жарамсыз ретінде анықтаса, ал сіз веб-сайт сертификаты жарамды екеніне сенімді болсаңыз, веб-сайтты әрі қарай пайдалана беруге болады. Бұл үшін Төнетін қауіпті түсінемін және әрекетті жалғастырғым келеді сілтемесі бойынша веб-сайтты ашу керек болады. Сілтеме қорғалған шолғыш терезесінде пайда болады.
• Веб-сайт қателікпен фишингілік ретінде анықталды. Kaspersky Fraud Prevention for Endpoints бағдарламасы веб-сайтты фишингілік ретінде анықтаса, ал сіз веб-сайттың қауіпсіз екеніне сенімді болсаңыз, Техникалық қолдау көрсету қызметіне хабарласу қажет.

Қорғалған шолғыш терезесінен Kaspersky Fraud Prevention for Endpoints лицензиясы таралмайтын интернет-банкинг жүйесінің веб-сайтына өту кезінде қажетті веб-сайт қалыпты режимде іске қосылған шолғыштың жаңа терезесінде ашылады. Қорғалған шолғыш терезесінде сұралған веб-бет шолғыштың басқа терезесінде ашылғаны туралы хабар пайда болады.

Басына