Kaspersky Security Center бағдарламасын ақауларға төзімді Kaspersky Security Center кластерінің түйінінде жаңарту

Басқару серверінің 14.2-нұсқасын басқару серверінің анағұрлым ерте нұсқасы орнатылған (13.2-нұсқасынан бастап) ақауларға төзімді Kaspersky Security Center кластерінің әрбір түйініне орната аласыз. 14.2 нұсқасына дейін жаңарту кезінде Басқару серверінің алдыңғы нұсқасының барлық деректері мен параметрлері сақталады.

Егер сіз бұрын Kaspersky Security Center бағдарламасын жергілікті құрылғыларға орнатқан болсаңыз, онда сіз осы құрылғыларда Kaspersky Security Center жаңарта аласыз.

Kaspersky Security Center бағдарламасын ақауларға төзімді Kaspersky Security Center кластерінің түйінінде жаңарту үшін:

1. Белсенді кластер түйінінде келесі әрекеттерді орындаңыз:
   1. ksc_14.2.<жинақ нөмірі>_full_<локализация тілі>.exe орындалатын файлын іске қосыңыз.

      Жаңарту үшін Kaspersky бағдарламалары таңдалатын терезе ашылады. Басқару серверін орнату шеберін іске қосу үшін Kaspersky Security Center Басқару серверін орнату сілтемесінен өтіңіз. Шебердің нұсқауларын орындаңыз.

   2. Лицензиялық келісім мен Құпиялық саясатымен танысыңыз. Лицензиялық келісім мен Құпиялық саясатының барлық тармақтарымен келіссеңіз, Толығымен оқып шыққанымды, түсінгенімді және қабылдайтынымды растаймын блогында келесі жалаушаларды қойыңыз:
      • Осы Лицензиялық келісімнің ережелері мен шарттары
      • Деректердің өңделуін сипаттайтын Құпиялылық саясаты

      Орнатуды жалғастыру үшін екі жалаушаны қойыңыз.

      Егер сіз Лицензиялық келісімді немесе Құпиялық саясатын қабылдамасаңыз, жаңартуды болдырмау үшін Бас тарту түймесін басыңыз.

2. Ақауларға төзімді Kaspersky Security Center кластерінің пассивті түйінінде белсенді түйінмен бірдей әрекеттерді орындаңыз.
3. Кластерді іске қосу.

Нәтижесінде сіз ақауларға төзімді Kaspersky Security Center кластерінің түйіндеріне басқару серверінің соңғы нұсқасын орнаттыңыз.

Басына оралу