Саясаттар

Саясат — басқару тобы мен оның ішкі топтарына қолданылатын Kaspersky қолданбасы параметрлерінің жиынтығы. Kaspersky бағдарламаларының бірнешеуін басқару тобының құрылғыларына орната аласыз. Kaspersky Security Center бағдарламасы басқару тобындағы Kaspersky бағдарламасының әрқайсысы үшін бір саясаттан ұсынады. Саясаттың келесі күйлерінің бірі бар (төмендегі кестені қараңыз):

Саясат күйі

Күй	Сипаттамасы
Белсенді	Бұл, құрылғыға қатысты қолданылатын ағымдағы саясат. Kaspersky бағдарламасы үшін әрбір басқару тобында тек бір саясат белсенді болуы мүмкін. Kaspersky бағдарламасының белсенді саясаты параметрлерінің мәндері құрылғыға қатысты қолданылады.
Белсенді емес	Қазіргі уақытта құрылғыға қатысты қолданылмайтын саясат.
Автономды пайдаланушылар үшін	Егер бұл нұсқа таңдалса, құрылғы ұйым желісінен шыққан кезде саясат күшіне енеді.

Саясаттар келесі ережелер бойынша әрекет етеді:

• Бір бағдарлама үшін түрлі мәндері бар бірнеше саясатты конфигурациялауға болады.
• Бір бағдарлама үшін тек бір саясат белсенді болуы мүмкін.
• Белгілі бір оқиға туындаған кезде, белсенді емес саясатты белсендіре аласыз. Мысалы, вирустық шабуыл кезеңінде күшейтілген антивирустық қорғаныс үшін параметрлерді қоса аласыз.
• Саясаттың еншілес саясаттары болуы мүмкін.

Сіз вирустық шабуыл сияқты төтенше жағдайларға дайындалу үшін саясатты қолдана аласыз. Мысалы, USB флеш-дискілері арқылы шабуыл орын алса, флеш-дискілерге қатынасуға тыйым салатын саясатты іске қосуға болады. Бұл жағдайда, ағымдағы белсенді саясат автоматты түрде белсенді емес болады.

Көптеген саясаттарды қолдамау үшін, мысалы, әртүрлі жағдайларда бірнеше параметрлерді ғана өзгерту қажет болғанда, сіз саясат профильдерін қолдана аласыз.

Саясат профилі – саясат параметрлерін алмастыратын аталған саясат параметрлері ішкі жиынтығы. Саясат профилі басқарылатын құрылғының тиімді параметрлерін қалыптастыруға әсер етеді. Тиімді параметрлер – қазіргі уақытта құрылғыға қатысты қолданылатын саясат параметрлері, саясат профилі параметрлері және жергілікті бағдарлама параметрлері жиынтығы.

Саясат профильдері келесі ережелер бойынша жұмыс істейді:

• Саясат профилі белгіленген белсендіру шарты туындаған кезде күшіне енеді.
• Саясат профильдері саясат параметрлерінен ерекшеленетін параметр мәндерін қамтиды.
• Саясат профилін белсендіру кезінде басқарылатын құрылғының тиімді параметрлері өзгереді.
• Саясатта ең көбі 100 профиль болуы мүмкін.

Сондай-ақ, қараңыз: Негізгі орнату сценарийі Саясаттар және профильдер Саясатты жасау

Басына оралу