Пайдаланушы есептік жазбаларымен жұмыс

Kaspersky Security Center пайдаланушы есептік жазбалары мен есептік жазбалар топтарын басқаруға мүмкіндік береді. Бағдарлама есептік жазбалардың екі түрін қолдайды:

• Ұйым қызметкерлерінің есептік жазбалары. Басқару сервері ұйымның желісінде сауалнама жүргізу кезінде осы пайдаланушылардың есептік жазбалары туралы мәліметтерді алады.
• Ішкі пайдаланушылардың есептік жазбалары. Виртуалды Басқару серверлерімен жұмыс істеу үшін қолданылады. Ішкі пайдаланушы есептік жазбалары тек Kaspersky Security Center ішінде жасалады және пайдаланылады.

Пайдаланушы есептік жазбаларының тізімін келесі жолдардың бірімен көре аласыз:

• Консоль тармағында Кеңейтілген → Пайдаланушылардың есептік жазбалары тармағына өтіңіз.
• Консоль тармағында Басқарылатын құрылғылар қалтасына → Құрылғылар қойындысына → <құрылғы атауы> сілтемесіне → Сеанстар бөліміне өтіңіз.

  Сеанстар бөлімінде Windows басқаратын құрылғыларда белсенді сеанстары бар пайдаланушылар есептік жазбалары көрсетіледі.

Келесі талаптар орындалса, пайдаланушы есептік жазбаларының тізімі дұрыс шығады:

• Нұсқасы басқару серверінің нұсқасымен бірдей немесе одан жоғары желілік агент қолданылып жатыр.
• Active Directory сұрауы домен пайдаланушыларының есептік жазбаларын көрсету үшін қосылған.
• Windows басқаратын құрылғыларда Сервер қызметі (LanmanServer) жұмыс істейді.

Пайдаланушы есептік жазбаларымен және есептік жазбалар топтарымен келесі әрекеттерді орындауға болады:

• пайдаланушылардың рөлдер арқылы бағдарлама функцияларына қатынасу құқықтарын конфигурациялау;
• электрондық пошта және SMS арқылы пайдаланушыларға хабар жіберу;
• пайдаланушының ұялы құрылғыларының тізімін қарау;
• пайдаланушының ұялы құрылғыларына сертификаттар жазып беру және орнату;
• пайдаланушыға берілген сертификаттар тізімін қарап шығу;
• пайдаланушы есептік жазбасы үшін екі қадамдық тексеруді өшіру.

Басына оралу