11-қадам. Электрондық пошта арқылы хабарландыруларды жіберу әдісін конфигурациялау

Барлығын жаю | Барлығын жию

Клиент құрылғыларында "Лаборатория Касперского" қолданбалары жұмыс істеген кезде тіркелетін оқиғалар туралы хабарландыру тарату параметрлерін конфигурациялаңыз. Бұл параметрлер қолданбалардың саясаттарында әдепкі бойынша мәндер ретінде пайдаланылады.

"Лаборатория Касперского" қолданбаларының туындайтын оқиғалары туралы хабарландырулар таратылымын конфигурациялау үшін келесі параметрлер қолжетімді:

• Алушылар (электрондық пошта мекенжайлары)

  Қолданба хабарландыру жіберетін пайдаланушылардың электрондық пошта мекенжайлары. Сіз бір немесе одан да көп мекенжайларды көрсете аласыз. Бірнеше мекенжайды көрсетсеңіз, оларды үтірлі нүктемен бөліңіз.

• SMTP серверінің мекенжайы

  Ұйымыңыздың пошта серверлерінің мекенжайы немесе мекенжайлары.

  Бірнеше мекенжайды көрсетсеңіз, оларды үтірлі нүктемен бөліңіз. Келесі параметр мәндерін пайдалануыңызға болады:

  • IPv4 мекенжайы немесе IPv6 мекенжайы;
  • SMTP сервері DNS атауы.
• SMTP серверінің порты

  SMTP серверінің коммуникациялық портының нөмірі. Бірнеше SMTP серверін қолдансаңыз, олармен қосылым көрсетілген коммуникациялық порт арқылы орнатылады. Әдепкі бойынша 25-порт орнатылған.

• ESMTP аутентификациясын пайдалану

  ESMTP аутентификациясын қолдауды қосу. Жалаушаны қойғаннан кейін, ESMTP аутентификациясы параметрлерін Пайдаланушы аты және Құпиясөз өрістерінде көрсетуге болады. Әдепкі бойынша, жалауша алынып тасталған.

Электрондық пошта хабарлары туралы хабарландыру параметрлерін Тексеру хабарын жіберу түймесі арқылы тексеруге болады.