Есеп үлгісін жасау

Есеп үлгісін жасау үшін:

1. Қолданбаның негізгі терезесінде Бақылау және есеп беру → Есептер бөліміне өтіңіз.
2. Қосу түймесін басыңыз.

   Нәтижесінде, есеп үлгісін жасау шебері іске қосылады. Шебердің жұмысын жалғастыру үшін Келесі түймесін басыңыз.

3. Есептің атауын енгізіп, есеп түрін таңдаңыз.
4. Шебердің Әрекет ету ауқымы қадамында, осы үлгі негізінде жасалған есептерде көрсетілетін деректері бар клиент құрылғылары жиынтығын таңдаңыз (басқару топтары, құрылғылар таңдауы немесе барлық желілік құрылғылар).
5. Шебердің Хабарлау мерзімі бетінде есеп жасалатын кезеңді көрсетіңіз. Қолжетімді мәндері:
   • екі көрсетілген күн арасында;
   • көрсетілген күннен есеп жасалған күнге дейін;
   • есеп жасалған күннен бастап, минус көрсетілген күндер саны, есеп жасалған күнге дейін.

   Кейбір есептерде бұл бет көрсетілмеуі мүмкін.

6. Шебердің жұмысын аяқтау үшін OK түймесін басыңыз.
7. Келесі әрекеттердің бірін орындаңыз:
   • Жаңа есеп үлгісін сақтау және оның негізінде есеп жасауды бастау үшін Сақтау және іске қосу түймесін басыңыз.

     Есеп үлгісі сақталады. Есеп құрастырылады.

   • Жаңа есеп үлгісін сақтау үшін Сақтау түймесін басыңыз.

     Есеп үлгісі сақталады.

Жасалған үлгіні есептерді қалыптастыру және қарау үшін пайдалануға болады.