Есептерді жеткізу тапсырмасын жасау

Барлығын жаю | Барлығын жию

Таңдалған есептерді жеткізу тапсырмасын жасауға болады.

Есептерді жеткізу тапсырмасын жасау үшін:

1. Қолданбаның негізгі терезесінде Бақылау және есеп беру → Есептер бөліміне өтіңіз.
2. Есептерді жеткізу тапсырмасын жасағыңыз келетін есеп үлгілерінің жанына жалаушаларды қойыңыз.
3. Жеткізу тапсырмасын жасау түймесін басыңыз.

   Жаңа тапсырма жасау шебері іске қосылады. Шебердің жұмысын жалғастыру үшін Келесі түймесін басыңыз.

4. Шебердің Жаңа тапсырма параметрлері қадамында тапсырманың атауын енгізіңіз.

   Әдепкі тапсырма атауы – Есептерді жеткізу болып табылады. Егер аттас тапсырма бұрыннан бар болса, тапсырма атауына сериялық нөмір қосылады (<N>).

5. Шебердің Есеп конфигурациясы қадамында келесі параметрлерді көрсетіңіз:
   1. Тапсырма арқылы жіберілетін есеп үлгілері.
   2. Есеп пішімі: HTML, XLS немесе PDF.

      wkhtmltopdf құралы есепті PDF пішіміне түрлендіру үшін қажет. PDF параметрі таңдалғанда, Басқару сервері wkhtmltopdf утилитасы құрылғыда орнатылғанын тексереді. Құрал орнатылмаған болса, қолданба оны Басқару серверінде орнату қажет екендігі туралы хабарламаны көрсетеді. Құралды қолмен орнатып, келесі қадамға өтіңіз.

   3. Есептер электрондық пошта арқылы жіберіле ме, сондай-ақ пошта хабарландыруларының параметрлері.

      Сіз ең көбі 20 электрондық пошта мекенжайын енгізе аласыз. Электрондық пошта мекенжайларын бөлу үшін Enter пернесін басыңыз. Сондай-ақ, үтірмен бөлінген электрондық пошта мекенжайларының тізімін қойып, Enter пернесін бассаңыз да болады.

   4. Есептер қалтаға сақталады ма, сол қалтада бұрын сақталған есептер қайта жазыла ма және қалтаға қатынасу үшін бөлек есептік жазба қолданыла ма (ортақ қатынасы бар қалта үшін).
6. Шебердің Тапсырма кестесін конфигурациялау қадамында тапсырманы іске қосу кестесін таңдаңыз.

   Тапсырманы іске қосу кестесінің келесі нұсқалары қолжетімді:

   • Қолмен

     Тапсырма автоматты түрде іске қосылмайды. Тапсырманы тек қолмен іске қосуға болады.

     Әдепкі бойынша, осы нұсқа таңдалған.

   • N минут сайын

     Тапсырма жүйелі түрде, тапсырма жасалған күні көрсетілген уақыттан бастап, минуттар түрінде белгіленген аралықпен орындалады.

     Әдепкі бойынша, тапсырма ағымдағы жүйелік уақыттан бастап 30 минут сайын іске қосылады.

   • N сағат сайын

     Тапсырма көрсетілген күн мен уақыттан бастап, сағат түрінде белгіленген аралықпен жүйелі түрде орындалады.

     Әдепкі бойынша, тапсырма ағымдағы жүйелік күн мен уақыттан бастап 6 сағат сайын іске қосылып тұрады.

   • N күн сайын

     Тапсырма, күндер түрінде белгіленген аралықпен жүйелі түрде орындалады. Сондай-ақ, сіз тапсырманы бірінші рет іске қосу күні мен уақытын да көрсете аласыз. Бұл қосымша параметрлерге сіз тапсырма жасап жатқан қолданба қолдау көрсетсе, олар қолжетімді болады.

     Әдепкі бойынша, тапсырма ағымдағы жүйелік күн мен уақыттан бастап күн сайын іске қосылады.

   • N апта сайын

     Тапсырма жүйелі түрде, апта түрінде белгіленген аралықпен, аптаның көрсетілген күнінде және көрсетілген уақытта орындалады.

     Әдепкі бойынша, тапсырма жұма сайын, ағымдағы жүйелік уақытта іске қосылады.

   • Ай сайын

     Тапсырма жүйелі түрде, айдың көрсетілген күнінде, көрсетілген уақытта орындалады.

     Көрсетілген күні жоқ айларда тапсырма соңғы күні орындалады.

     Әдепкі бойынша, тапсырма әр айдың бірінші күнінде, ағымдағы жүйелік уақытта орындалады.

   • Белгіленген күндері

     Тапсырма жүйелі түрде, әр айдың көрсетілген күндерінде, көрсетілген уақытта орындалады.

     Әдепкі бойынша ай күндері таңдалмаған. Әдепкі бойынша басталу уақыты – 18:00.

   • Вирустық шабуылды анықтағанда

     Тапсырманы Вирустық шабуыл оқиғасы туындағаннан кейін іске қосуға болады. Вирустық шабуылдарды қадағалайтын қолданба түрлерін таңдаңыз. Қолданбалардың келесі түрлері қолжетімді:

     • жұмыс станциялары мен файлдық серверлерге арналған вирусқа қарсы бағдарламалар;
     • периметрлік қорғанысқа арналған вирусқа қарсы бағдарламалар;
     • пошталық жүйелерге арналған вирусқа қарсы бағдарламалар.

     Әдепкі бойынша, қолданбалардың барлық түрлері таңдалған.

     Вирустық шабуыл туралы хабарлайтын қауіпсіздік қолданбасының түріне байланысты әртүрлі тапсырмаларды іске қосуға болады. Бұл жағдайда, сізге қажет емес қолданба түрлерін таңдауды алып тастаңыз.

   • Басқа тапсырманы аяқтағанда

     Ағымдағы тапсырма басқа тапсырма аяқталғаннан кейін іске қосылады. Екі тапсырма да бір құрылғы арқылы тағайындалса ғана, осы параметр жұмыс істейді. Мысалы, Құрылғыларды басқару тапсырмасын Құрылғыны қосу параметрінің көмегімен іске қоса аласыз және ол аяқталғаннан кейін Вирустарды іздеу тапсырмасын іске қоса аласыз.

     Кестеден іске қосу тапсырмасын және осы тапсырма орындалатын күйді таңдау керек ( Сәтті аяқталды немесе Сәтсіз аяқталды ).

     Қажет болса, кестедегі тапсырмаларды төмендегідей іздеуге, сұрыптауға және сүзуге болады:

     • Тапсырманы атауы бойынша іздеу үшін іздеу өрісіне тапсырма атауын енгізіңіз.
     • Тапсырмаларды атауы бойынша сұрыптау үшін сұрыптау белгішесін басыңыз.

       Әдепкі бойынша, тапсырмалар өсу ретімен әліпбилік ретпен сұрыпталады.

     • Сүзгі белгішесін басыңыз және ашылатын терезеде тапсырмаларды топтар бойынша сүзіңіз, содан кейін Қолдану түймесін басыңыз.
7. Шебердің осы қадамында тапсырманы іске қосу кестесінің басқа параметрлерін конфигурациялаңыз:
   • Тапсырма кестесі бөлімінде бұрын таңдалған кестені тексеріңіз немесе қайта конфигурациялаңыз және кезеңді, ай немесе апта күндерін орнатыңыз, вирус шабуылының шартын немесе тапсырманы іске қосу ретінде басқа тапсырманың орындалуын белгілеңіз. Бұл бөлімде қолайлы кесте таңдалған болса, басталу уақытын да көрсетуге болады.
   • Қосымша параметрлер бөлімінде келесі параметрлерді көрсетіңіз:
     • Өткізіп алынған тапсырмаларды іске қосу

       Бұл параметр, тапсырма басталғалы тұрған кезде клиент құрылғысы желіде көрсетілмесе, тапсырманың жүріс-тұрысын анықтайды.

       Параметр қосулы болса, клиент құрылғысында "Лаборатория Касперского" қолданбасын кезекті рет іске қосу кезінде тапсырманы іске қосу әрекеті жасалады. Тапсырманың кестесінде Қолмен, Бір рет немесе Дереу іске қосу көрсетілсе, онда тапсырма желіде құрылғы көзге көрінетін болғаннан кейін немесе құрылғы тапсырманың әрекет ету ауқымына қосылғаннан кейін бірден іске қосылады.

       Егер параметр өшірулі болса, клиент құрылғыларында тапсырманы іске қосу тек кесте бойынша орындалатын болады. Қолмен, Бір рет және Дереу кестесі үшін тапсырмалар желіде көрінетін клиенттік құрылғыларда ғана орындалады. Мысалы, сіз бұл параметрді тек жұмыс уақытынан тыс уақытта іске қосқыңыз келетін ресурстарды қажетсінетін тапсырма үшін өшіре аласыз.

       Әдепкі бойынша, параметр өшірулі.

     • Тапсырманы бастау үшін автоматты түрде араластырылған кідірісті пайдалану

       Параметр қосулы болса, тапсырма клиент құрылғыларында белгілі бір уақыт аралығында кездейсоқ іске қосылады, яғни тапсырманың таратылған іске қосылуы орын алады. Тапсырманың таратылған іске қосылуы, тапсырманы кесте бойынша іске қосу кезінде көптеген клиент құрылғыларының Басқару серверіне бір уақытта жүгінуіне жол бермейді.

       Таратылған іске қосылу кезеңі, тапсырма тағайындалған клиент құрылғыларының санына байланысты тапсырманы жасау кезінде автоматты түрде есептеледі. Кейінірек, тапсырма әрқашан есептелген іске қосу уақытында іске қосылады. Алайда, тапсырма параметрлеріне түзетулер енгізілгенде немесе тапсырма қолмен іске қосылғанда, тапсырманы іске қосу уақытының есептелген мәні өзгереді.

       Егер параметр өшірулі болса, клиент құрылғыларында тапсырманы іске қосу кесте бойынша орындалады.

     • Тапсырманы бастауға арналған келесі аралықтағы автоматты кездейсоқ кідірісті пайдалану

       Параметр қосулы болса, тапсырма клиент құрылғыларында белгілі бір уақыт аралығында кездейсоқ іске қосылады. Тапсырманың таратылған іске қосылуы, тапсырманы кесте бойынша іске қосу кезінде көптеген клиент құрылғыларының Басқару серверіне бір уақытта жүгінуіне жол бермейді.

       Егер параметр өшірулі болса, клиент құрылғыларында тапсырманы іске қосу кесте бойынша орындалады.

       Әдепкі бойынша, параметр өшірулі. Әдепкі бойынша, уақыт аралығы бір минутқа тең.

     • Тапсырма мынанша уақыттан көбірек орындалып жатса, оны тоқтату

       Белгіленген уақыттан кейін, тапсырма аяқталғанына немесе аяқталмағанына қарамастан автоматты түрде тоқтатылады.

       Егер сіз тым ұзақ орындалатын тапсырмаларды үзгіңіз келсе (немесе тоқтатқыңыз келсе), осы параметрді қосыңыз.

       Әдепкі бойынша, параметр өшірулі. Әдепкі бойынша тапсырманы орындау уақыты – 120 минут.

8. Шебердің Тапсырманы іске қосу үшін есептік жазбаны таңдау қадамында тапсырманы іске қосу үшін пайдаланылатын есептік жазба деректерін көрсетіңіз.
9. Егер тапсырманың басқа параметрлерін ол жасалғаннан кейін өзгерту қажет болса, шебердің Тапсырманы жасауды аяқтау қадамында Жасап болған соң, тапсырма туралы мәліметтерді ашу параметрін қосыңыз. Әдепкі бойынша, параметр қосулы.
10. Тапсырма жасау және шеберді жабу үшін Аяқтау түймесін басыңыз.

Есепті жіберу тапсырмасы жасалады. Жасап болған соң, тапсырма туралы мәліметтерді ашу параметрі қосылса, тапсырма параметрлері терезесі ашылады.