Үшінші тарап қолданбаларын автоматты түрде жаңарту

Кейбір үшінші тарап қолданбалары автоматты түрде жаңартылуы мүмкін. Қолданба өндірушісі қолданбаның автоматты түрде жаңарту функциясын қолдайтынын анықтайды. Егер басқарылатын құрылғыда орнатылған үшінші тарап қолданбасы автоматты түрде жаңартуды қолдаса, қолданба сипаттарында автоматты түрде жаңарту параметрін көрсетуге болады. Автоматты жаңарту параметрін өзгерткеннен кейін, Желілік агенттер қолданба орнатылған әрбір басқарылатын құрылғыда жаңа параметрді қолданады.

Автоматты жаңарту параметрі басқа нысандарға және Осалдықтар мен патчтарды басқару мүмкіндіктеріне тәуелді емес. Мысалы, бұл параметр жаңартуды мақұлдау күйіне немесе Қажетті жаңартуларды орнату және осалдықтарды түзету және Осалдықтарды түзету сияқты жаңартуды орнату тапсырмаларына тәуелсіз.

Үшінші тарап қолданбасына арналған автоматты жаңарту параметрін конфигурациялау үшін:

1. Қолданбаның негізгі терезесінде Операциялар → Үшінші тарап бағдарламалары → Бағдарламалар тізімдемесі бөліміне өтіңіз.
2. Автоматты жаңарту параметрін өзгерткіңіз келетін қолданбаның атын басыңыз.

   Іздеуді жеңілдету үшін тізімді Автоматты жаңартулар күйі және Автоматты жаңартуларды басқару бағандары арқылы сүзуге болады.

   Қолданба сипаттары терезесі ашылады.

3. Жалпы бөлімінде келесі функция үшін мәнді таңдаңыз:

   Автоматты жаңартулар күйі.

   Келесі нұсқалардың бірін таңдаңыз:

   • Анықталмаған

     Автоматты жаңарту функциясы өшірулі. Kaspersky Security Linux Center келесі тапсырмалар арқылы үшінші тарап қолданбалары үшін жаңартуларды орнатады: Қажетті жаңартуларды орнату және осалдықтарды түзету және Осалдықтарды түзету.

   • Рұқсат етілген

     Өндіруші қолданба үшін жаңартуды шығарғаннан кейін, бұл жаңарту автоматты түрде басқарылатын құрылғыларға орнатылады. Қосымша әрекеттер керек емес.

   • Бұғатталған

     Қолданба жаңартулары автоматты түрде орнатылмайды. Kaspersky Security Linux Center келесі тапсырмалар арқылы үшінші тарап қолданбалары үшін жаңартуларды орнатады: Қажетті жаңартуларды орнату және осалдықтарды түзету және Осалдықтарды түзету.

4. Өзгерістерді сақтау үшін Сақтау түймесін басыңыз.

Автоматты жаңарту конфигурациясы таңдалған қолданбаға қолданылады.