Таңдалған құрылғылардан орындалатын файлдарды қамтитын қолданбалар санатын жасау

Барлығын жаю | Барлығын жию

Құрылғыдан орындалатын файлдарды, іске қосуға рұқсат бергіңіз немесе тыйым салғыңыз келетін орындалатын файлдардың үлгісі ретінде пайдалануға болады. Таңдалған құрылғылардағы орындалатын файлдардың негізінде, сіз қолданбалар санатын құра аласыз және оны Қолданбаны басқару құрамдасын конфигурациялау үшін пайдалана аласыз.

Таңдалған құрылғылардан орындалатын файлдарды қамтитын қолданбалар санатын құру үшін:

1. Қолданбаның негізгі терезесінде Операциялар → Үшінші тарап бағдарламалары → Бағдарлама санаттары бөліміне өтіңіз.

   Қолданба санаттары тізімі бар бет ашылады.

2. Қосу түймесін басыңыз.

   Жаңа санат шебері іске қосылады. Шебердің жұмысын жалғастыру үшін Келесі түймесін басыңыз.

3. Санатты жасау әдісін таңдау қадамында санат атауын көрсетіп, Таңдалған құрылғылардағы орындалатын файлдарды қамтитын санат. Осы орындалатын файлдар автоматты түрде өңделеді және метрикалары санатқа қосылады.
4. Қосу түймесін басыңыз.
5. Ашылған терезеде қолданбалар санатын құру үшін орындалатын файлдары пайдаланылатын құрылғыны немесе құрылғыларды таңдаңыз.
6. Келесі параметрлерді белгілеңіз:
   • Хеш функциясын есептеп шығару алгоритмі

     Желіңіздегі құрылғыларға орнатылған қауіпсіздік қолданбасы нұсқасына байланысты, санат файлдары үшін хеш функциясын Kaspersky Security Center Linux қолданбасы тарапынан есептеп шығару алгоритмін таңдау керек. Есептеп шығарылған хеш функциялары туралы ақпарат Басқару серверінің дерекқорында сақталады. Хеш функцияларын сақтау арқасында дерекқордың өлшемі шамалы ұлғаяды.

     SHA256 – алгоритмінде осалдық табылмаған криптографиялық хеш функциясы және ол қазіргі уақытта ең сенімді криптографиялық функция болып саналады. Kaspersky Endpoint Security for Linux қолданбасы SHA256 есептеуін қолдайды.

     Санат файлдары үшін Kaspersky Security Center Linux қолданбасы тарапынан хеш функциясын есептеп шығару нұсқаларының бірін таңдаңыз:

     • Егер желіңізде орнатылған қауіпсіздік қолданбаларының барлық үлгілері Linux үшін Kaspersky Endpoint Security болса, SHA256 жалаушаны орнатыңыз.

     Windows үшін Kaspersky Endpoint Security пайдалансаңыз ғана, MD5 хэші жалаушаны орнатыңыз. Kaspersky Endpoint Security for Linux MD5 хэш функциясына қолдау көрсетпейді.

     Әдепкі бойынша, Санаттағы файлдар үшін SHA256 есептеп шығару (Kaspersky Endpoint Security 10 Service Pack 2 for Windows үшін қолдау көрсетіледі) жалаушасы қойылған.

     Әдепкі бойынша, Осы санаттағы файлдар үшін MD5 есептеу (Kaspersky Endpoint Security 10 Service Pack 2 for Windows нұсқасынан бұрынғы нұсқалармен қолдау көрсетіледі) алынып тасталған.

   • Басқару серверінің қоймасымен деректерді синхрондау

     Басқару сервері көрсетілген қалтада (немесе қалталарда) өзгерістерді мезгіл-мезгіл тексеріп отыруын қаласаңыз, осы параметрді таңдаңыз.

     Әдепкі бойынша, параметр өшірулі.

     Егер сіз осы параметрді қоссаңыз, көрсетілген қалтада (қалталарда) өзгерістерді тексеру үшін кезеңді (сағатпен) көрсетіңіз. Әдепкі бойынша, тексеру кезеңі 24 сағатқа тең келеді.

   • Файл түрі

     Бұл бөлімде қолданбалар санатын құру үшін қолданылатын файл түрін көрсетуге болады.

     Барлық файлдар. Жасалып жатқан санат үшін барлық файлдар ескеріледі. Әдепкі бойынша, осы нұсқа таңдалған.

     Тек бағдарлама санаттарынан тыс файлдар. Құрылған санат үшін тек қолданба санаттарынан тыс файлдар ескеріледі.

   • Қалталар

     Бұл бөлімде қолданбалар санатын құру үшін пайдаланылатын файлдары бар таңдалған құрылғылардың қалталарын көрсетуге болады.

     Барлық қалталар. Жасалып жатқан санат үшін барлық қалталар ескеріледі. Әдепкі бойынша, осы нұсқа таңдалған.

     Көрсетілген қалта. Жасалып жатқан санат үшін тек көрсетілген қалта ескеріледі. Егер сіз осы параметрді таңдасаңыз, қалта жолын көрсетуіңіз қажет.

Шебер аяқталғаннан кейін, қолданбалар санаты құрылады. Ол қолданба санаттарының тізімінде пайда болады. Қолданбаны басқару құрамдасын конфигурациялау кезінде қолданбалар санатын жасауға болады.