Басқару серверінің деректерін сақтық көшірмелеу тапсырмасын жасау

Сақтық көшірмелеу тапсырмасы Басқару серверінің тапсырмасы болып табылады және оны бағдарламаны жылдам іске қосу шебері жасайды. Бағдарламаны жылдам іске қосу шебері жасаған сақтық көшірмелеу тапсырмасы жойылса, оны қолмен жасауға болады.

Басқару сервері деректерінің резервтік қоймасы тапсырмасын тек бір үлгіде ғана жасауға болады. Басқару сервері деректерін сақтық көшірмелеу тапсырмасы Басқару сервері үшін жасалған болса, онда ол тапсырма жасау шеберінің таңдау терезесінде көрсетілмейді.

Басқару серверінің деректерін сақтық көшірмелеу тапсырмасын жасау үшін:

1. Негізгі қолданба терезесінде Активтер (құрылғылар) → Тапсырмалар бөліміне өтіңіз.
2. Қосу түймесін басыңыз.

   Жаңа тапсырма жасау шебері іске қосылады. Шебердің жұмысын жалғастыру үшін Келесі түймесін басыңыз.

3. Бағдарлама тізімінде Kaspersky Security Center 15 тармағын және Тапсырма түрі тізімінде Басқару сервері деректерінің резервтік қоймасы тармағын таңдаңыз.
4. Тиісті қадамда келесі ақпаратты көрсетіңіз:
   • сақтық көшірмелерді сақтауға арналған қалта;
   • сақтық көшірмеге арналған құпиясөз (міндетті емес);
   • сақталған сақтық көшірмелердің максималды саны.
5. Тапсырманы жасауды аяқтау қадамында Жасап болған соң, тапсырма туралы мәліметтерді ашу параметрін қоссаңыз, әдепкі бойынша белгіленген тапсырма параметрлері мәндерін өзгерте аласыз. Егер сіз бұл параметрді қоспасаңыз, тапсырма әдепкі бойынша белгіленген параметр мәндерімен жасалады. Әдепкі бойынша параметр мәндерін кейінірек кез келген уақытта өзгертуге болады.
6. Аяқтау түймесін басыңыз.

Тапсырма жасалып, тапсырмалар тізімінде көрсетіледі.