Пайдаланушыны құрылғының иесі етіп тағайындау

Пайдаланушыны ұялы құрылғының иесі етіп тағайындау туралы ақпаратты Kaspersky Security for Mobile анықтамасында қараңыз.

Пайдаланушыны ұялы құрылғының иесі етіп тағайындау үшін:

1. Егер сіз виртуалды Басқару серверіне қосылған құрылғының иесін тағайындағыңыз келсе, алдымен виртуалды Басқару серверіне ауысыңыз:
   1. Басты мәзірде, Басқару серверінің ағымдағы атауының оң жағындағы шеврон () белгішесін басыңыз.
   2. Қажетті Басқару серверін таңдаңыз.
2. Бағдарламаның негізгі терезесінде Пайдаланушылар және рөлдер → Пайдаланушылар және топтар бөліміне өтіп, Пайдаланушылар қойындысын таңдаңыз.

   Пайдаланушылар тізімі ашылады. Егер сіз қазір виртуалды Басқару серверіне қосылған болсаңыз, тізімге ағымдағы виртуалды Басқару сервері мен негізгі Басқару серверінің пайдаланушылары кіреді.

3. Құрылғының иесі ретінде тағайындалуы қажет пайдаланушы есептік жазбасын түртіңіз.
4. Ашылған пайдаланушы сипаттары терезесінде Құрылғылар қойындысын таңдаңыз.
5. Қосу түймесін басыңыз.
6. Құрылғылар тізімінен пайдаланушыға тағайындағыңыз келетін құрылғыны таңдаңыз.
7. OK түймесін басыңыз.

Таңдалған құрылғы пайдаланушыға тағайындалған құрылғылар тізіміне қосылады.

Сондай-ақ, тағайындағыңыз келетін құрылғы атауын таңдау және Құрылғы иесін басқару сілтемесінен өту арқылы, бұл операцияны Активтер (құрылғылар) → Басқарылатын құрылғылар тобында орындауға болады.