Есепті файлға экспорттау

Бір немесе бірнеше есепті XML, HTML немесе PDF пішімінде сақтауға болады. Kaspersky Security Center Linux көрсетілген пішімдегі файлдарға бір уақытта 10 есепті экспорттауға мүмкіндік береді.

Есепті файлға экспорттау үшін:

1. Бағдарламаның негізгі терезесінде Бақылау және есеп беру → Есептер бөліміне өтіңіз.
2. Экспорттағыңыз келетін есептерді таңдаңыз.

   Оннан астам есеп таңдасаңыз, Есепті экспорттау түймесі өшірулі болады.

3. Есепті экспорттау түймесін басыңыз.
4. Ашылған терезеде келесі экспорттау параметрлерді конфигурациялаңыз:
   • Файл атауы.

     Экспорттау үшін бір есепті таңдасаңыз, есеп файлына ат беріңіз.

     Бірнеше есеп таңдаған болсаңыз, есеп файлының атаулары таңдалған есеп үлгілерімен бірдей болады.

   • Жазбалардың максималды саны.

     Есеп файлына қосылатын жазбалардың ең көп санын көрсетіңіз. Әдепкі бойынша, 10 000 мәні көрсетілген.

     Есепті жазбалардың шексіз санымен экспорттауға болады. Есепте жазбалар көп болса, есепті жасау және экспорттау үшін қажет уақыт артатынын ескеріңіз.

   • Файл пішімі.

     Есеп файлының пішімін таңдаңыз: XML, HTML немесе PDF. Бірнеше есепті экспорттаған кезде, барлық таңдалған есептер көрсетілген пішімде бөлек файлдар ретінде сақталады.

     wkhtmltopdf құралы есепті PDF пішіміне түрлендіру үшін қажет. PDF параметрі таңдалғанда, Басқару сервері wkhtmltopdf утилитасы құрылғыда орнатылғанын тексереді. Құрал орнатылмаған болса, бағдарлама оны Басқару серверінде орнату қажет екендігі туралы хабарламаны көрсетеді. Құралды қолмен орнатып, келесі қадамға өтіңіз.

5. Есепті экспорттау түймесін басыңыз.

Есеп файлға көрсетілген пішімде сақталады.