Шифрлау оқиғалары тізімін қарау

Kaspersky Endpoint Security for Windows құрылғыларындағы деректерді шифрлау немесе шифрсыздау тапсырмаларын орындау барысында Kaspersky Security Center бағдарламасына келесі типтегі оқиғалар туралы ақпарат жібереді:

• дискідегі орынның жетіспеушілігіне байланысты файлды шифрлау немесе шифрсыздау немесе шифрланған мұрағат жасау мүмкін емес;
• лицензиямен байланысты мәселелерге байланысты файлды шифрлау немесе шифрсыздау немесе шифрланған мұрағат жасау мүмкін емес;
• қатынасу құқықтарының болмауына байланысты файлды шифрлау немесе шифрсыздау немесе шифрланған мұрағат жасау мүмкін емес;
• бағдарламаға шифрланған файлға қатынасуға тыйым салынған;
• белгісіз қателер.

Құрылғыларда деректерді шифрлау кезінде туындаған оқиғалар тізімін қарап шығу үшін:

бағдарламаның негізгі терезесінде Операциялар → Деректерді шифрлау және қорғау → Шифрлау оқиғалары бөліміне өтіңіз.

Бөлім мәзірде болмаса, демек, ол жасырылған. Пайдаланушы интерфейсі конфигурацияларында бөлімді көрсету үшін Деректерді шифрлау және қорғау опциясын көрсету параметрін қосыңыз.

Шифрланған қатты дискілер тізімін CSV немесе TXT пішіміндегі файлдарға экспорттауға болады. Бұл үшін Жолдарды CSV файлына экспорттау немесе Жолдарды TXT файлына экспорттау түймесін басыңыз.

Сондай-ақ, әрбір басқарылатын құрылғы үшін шифрлау оқиғалары тізімін қарап шығуға да болады.

Басқарылатын құрылғының шифрлау оқиғаларын қарап шығу үшін:

1. Бағдарламаның негізгі терезесінде Құрылғылар → Басқарылатын құрылғылар бөліміне өтіңіз.
2. Басқарылатын құрылғының атын басыңыз.
3. Жалпы қойындысында Қорғаныс бөліміне өтіңіз.
4. Деректерді шифрлау қателерін қарап шығу сілтемесінен өтіңіз.