Желілік агентті желілік орналасу бойынша ауыстырып қосу ережесін жасау

2024 ж. 29 наурыз

ID 231194

Барлығын жаю | Барлығын жию

Желілік агентті ауыстырып қосу тек Windows және macOS операциялық жүйесі басқаратын құрылғылар үшін ғана қолжетімді.

Желінің сипаттамаларын өзгерту кезінде Желілік агентті бір Басқару серверінен басқасына ауыстырып қосуға арналған ережені жасау үшін:

  1. Егер сіз басқарылатын құрылғылар тобы үшін ереже жасағыңыз келсе, сол топтың Желілік агентінің саясатын ашыңыз. Бұл үшін келесі әрекеттерді орындаңыз:
    1. Бағдарламаның негізгі терезесінде Құрылғылар → Саясат және профильдер бөліміне өтіңіз.
    2. Сілтеме арқылы ағымдағы жолға өтіңіз.
    3. Ашылған терезеде қажетті басқару тобын таңдаңыз.

      Осыдан кейін, ағымдағы жол өзгереді.

    4. Басқарылатын құрылғылар тобы үшін Желілік агент саясатын қосыңыз. Егер сіз оны әлдеқашан жасаған болсаңыз, саясат сипаттарын ашу үшін Желілік агент саясатының атауын басыңыз.
  2. Егер сіз белгілі бір басқарылатын құрылғы үшін ереже жасағыңыз келсе, келесі әрекеттерді орындаңыз:
    1. Бағдарламаның негізгі терезесінде ҚұрылғыларБасқарылатын құрылғылар бөліміне өтіңіз.
    2. Қажетті басқарылатын құрылғының атауын басыңыз.
    3. Ашылған басқарылатын құрылғы сипаттары терезесінде Бағдарламалар қойыншасына өтіңіз.
    4. Тек таңдалған басқарылатын құрылғы қолданылатын Желілік агент саясатының атауын басыңыз.
  3. Ашылған сипаттар терезесінде Бағдарлама параметрлері → Қосылым мүмкіндігі → Байланыс профильдері бөліміне өтіңіз.
  4. Желілік орналасудың параметрлері бөлімінде Қосу түймесін басыңыз.
  5. Ашылған сипаттар терезесінде желілік орналасудың сипаттамасын және ауысу ережесін конфигурациялаңыз. Желілік орналасудың сипаттамасының келесі параметрлерін конфигурациялаңыз:
    • Сипаттама
    • Қосылу профилін пайдалану
    • Сипаттама белсенді
  6. Желілік агентті ауыстыру ережесінің шарттарын таңдаңыз:
    • DHCP сервері мекенжайына арналған шарт – желідегі DHCP (Dynamic Host Configuration Protocol) серверінің IP мекенжайын өзгерту.
    • Әдепкі қосылым шлюзінің мекенжайына арналған шарт – желінің негізгі шлюзін өзгерту.
    • DNS доменіне арналған шарт – ішкі желінің DNS суффиксін өзгерту.
    • DNS сервері мекенжайына арналған шарт – желідегі DNS серверінің IP мекенжайын өзгерту.
    • WINS сервері мекенжайына арналған шарт – желідегі DNS серверінің IP мекенжайын өзгерту. Бұл параметр Windows операциялық жүйелері орнатылған құрылғылар үшін ғана қолжетімді.
    • Атау шешіміне арналған шарт – клиент құрылғысында NetBIOS атауы немесе DNS атауы өзгерді.
    • Қосалқы желіге арналған шарт – ішкі желі маскасы мен мекенжайын өзгерту.
    • Windows доменінің қолжетімділігіне арналған шарт – клиент құрылғысы қосылып тұрған Windows доменінің күйін өзгерту. Бұл параметр Windows операциялық жүйелері орнатылған құрылғылар үшін ғана қолжетімді.
    • SSL қосылым мекенжайының қолжетімділігіне арналған шарт – клиент құрылғысы Сервермен (атауы:порты) SSL қосылымын орната алады немесе орната алмайды (сіз таңдаған параметрге байланысты). Әрбір Сервер үшін сіз SSL сертификатын қосымша түрде көрсете аласыз. Бұл жағдайда, Желілік агент SSL қосылымының мүмкіндігін тексерумен қатар, Басқару серверінің сертификатын тексереді. Сертификаттар сай келмесе, қосылым орнатылмайды.

    Ереженің шарттары AND логикалық операторын қолданумен бірге біріктіріледі. Желілік орналасудың сипаттамасы бойынша ауысу ережесі іске қосылуы үшін, ереженің барлық ауысу шарттары орындалуы тиіс.

  7. Шарттар бөлімінде Желілік агентті басқа Басқару серверіне қашан ауыстыру қажет екенін көрсетіңіз. Бұл үшін Қосу түймесін басыңыз және шарттың мәнін белгілеңіз.

    Тізімнің кемінде бір мәніне сәйкес болса параметрі әдепкі бойынша қосулы. Егер сіз шарттың барлық көрсетілген мәндермен орындалуын қаласаңыз, бұл параметрді өшіруге болады.

  8. Өзгерістерді сақтаңыз.

Нәтижесінде, желілік орналасудың сипаттамасы бойынша ауыстырып қосу ережесі жасалып, оның шарттарын орындау кезінде Желілік агент Басқару серверіне қосылу үшін сипаттамада көрсетілген қосылым профилін қолданатын болады.

Сондай-ақ, қараңыз:

Желілік агентті басқа Басқару серверіне ауыстырып қосу туралы

Сізге мына мақала пайдалы болды ма?
Нені жақсартуға болады?
Пікіріңіз үшін рақмет! Сіз бізге жұмысымызды жақсартуға көмектесесіз.
Пікіріңіз үшін рақмет! Сіз бізге жұмысымызды жақсартуға көмектесесіз.