Құрылғыларды табу

2024 ж. 7 ақпан

ID 3884

Бұл бөлімде Kaspersky Security Center бағдарламасында қолжетімді құрылғыларды анықтау түрлері сипатталған, сонымен қатар олардың әрқайсысын пайдалану туралы ақпарат берілген.

Тұрақты желілік сауалнамалар кезінде Басқару сервері желінің құрылымы мен желідегі құрылғылар туралы ақпарат алады. Деректер Басқару сервері дерекқорына жазылады. Басқару сервері желі сауалнамаларының келесі түрлерін жүргізе алады:

  • Windows желісінің сауалнамасы. Басқару сервері Windows желісінің сауалнамасының екі түрін жүргізе алады: жылдам және толық. Жылдам сауалнама кезінде Басқару сервері желінің барлық домендері мен жұмыс топтары құрылғыларының NetBIOS атаулары тізімі туралы ақпаратты ғана алады. Толық сауалнама әрбір клиент құрылғысынан операциялық жүйенің атауы, IP мекенжайы, DNS атауы және NetBIOS атауы сияқты қосымша мәліметтерді сұрайды. Жылдам және толық сауалнама әдепкі бойынша қосылған. Windows желісінің сауалнамасы кезінде құрылғыларды анықтау мүмкін болмауы ықтимал, мысалы, роутер немесе желі экраны UDP 137, UDP 138, TCP 139 порттарын жауып тастаса.
  • Active Directory сауалнамасы. Басқару сервері Active Directory топтарының құрылымы туралы ақпаратты, сондай-ақ Active Directory топтарына кіретін құрылғылардың DNS атаулары туралы ақпаратты алады. Сауалнаманың бұл түрі әдепкі бойынша қосылған. Active Directory қолданған кезде Active Directory сауалнамасын пайдалану ұсынылады. Әйтпесе, Басқару сервері құрылғыларды анықтай алмайды. Active Directory қолдансаңыз, бірақ бөлек желілік құрылғылар оның мүшелері болмаса, бұл құрылғыларды Active Directory сауалнамасы барысында анықтау мүмкін болмайды.
  • IP ауқымдарының сауалнамасы. Басқару сервері ICMP пакеттері немесе NBNS протоколдары арқылы көрсетілген IP ауқымдарына сауалнама жүргізеді және IP ауқымдарына кіретін құрылғылар туралы толық ақпарат алады. Сауалнаманың бұл түрі әдепкі бойынша өшірілген. Егер сіз Windows желісінің сауалнамасын және/немесе Active Directory сауалнамасын қолдансаңыз, сауалнаманың бұл түрін пайдалану ұсынылмайды.
  • Zeroconf сауалнамасы. Тарату нүктесі нөлдік конфигурациясы бар желіні қолдана отырып, IPv6 желісіне сауалнама өткізеді (бұдан әрі Zeroconf деп те аталады). Сауалнаманың бұл түрі әдепкі бойынша өшірілген. Тарату нүктесі Linux жүйесінде жұмыс істеп тұрса, Zeroconf сауалнамасын пайдалануға болады.

Егер сіз құрылғыларды жылжыту ережелерін конфигурациялап, қосқан болсаңыз, табылған жаңа құрылғылар автоматты түрде Басқарылатын құрылғылар тобына ауысады. Егер құрылғыларды жылжыту ережелері қосылмаған болса, табылған жаңа құрылғылар автоматты түрде Тағайындалмаған құрылғылар тобына ауысады.

Әр түрге арналған құрылғыны анықтау параметрлерін өзгертуге болады. Мысалы, сауалнама кестесін өзгерту немесе бүкіл Active Directory тобына немесе тек белгілі бір доменге сауалнама жүргізу қажет екенін көрсету керек болуы мүмкін.

Желіде сауалнама өткізуді бастамас бұрын SMB протоколының қосылғанына көз жеткізіңіз. Әйтпесе, Kaspersky Security Center бағдарламасы сауалнама өткізілетін желідегі құрылғыларды анықтай алмайды. SMB протоколын қосу үшін операциялық жүйеге арналған нұсқауларды орындаңыз.

Бұл бөлімде:

Windows желісінің сауалнамасы

Active Directory сауалнамасы

IP ауқымдарының сауалнамасы

Zeroconf сауалнамасы

Сондай-ақ, қараңыз:

Құрылғыны табу жиілігі

Сценарий: Желілік құрылғыларды табу

Негізгі орнату сценарийі

Сізге мына мақала пайдалы болды ма?
Нені жақсартуға болады?
Пікіріңіз үшін рақмет! Сіз бізге жұмысымызды жақсартуға көмектесесіз.
Пікіріңіз үшін рақмет! Сіз бізге жұмысымызды жақсартуға көмектесесіз.