Тапсырмалар

Kaspersky Security Center тапсырмаларды құру және іске қосу арқылы құрылғыларда орнатылған "Лаборатория Касперского" қауіпсіздік бағдарламаларының жұмысын басқарады. Тапсырмалардың көмегімен бағдарламаларды орнату, іске қосу және тоқтату, файлдарды тексеру, бағдарламалардың дерекқорлары мен модульдерін жаңарту, бағдарламалармен басқа әрекеттер орындалады.

Бағдарлама үшін басқару плагині орнатылған жағдайда ғана тапсырма жасай аласыз.

Тапсырмалар Басқару серверінде және құрылғыларда орындалуы мүмкін.

Басқару серверінде орындалатын тапсырмалар:

• есептерді автоматты түрде жеткізу;
• жаңартуларды Басқару серверінің қоймасына жүктеп алу;
• басқару сервері деректерін сақтық көшірмелеу;
• дерекқорларға қызмет көрсету;
• Windows Update жаңартуларын синхрондау;
• эталондық құрылғының операциялық жүйесінің кескінінің орнату пакетін жасау.

Құрылғыларда тапсырмалардың келесі түрлері орындалады:

• Жергілікті тапсырмалар – нақты құрылғыда орындалатын тапсырмалар.

  Жергілікті тапсырмаларды тек әкімші Басқару консолі арқылы ғана емес, қашықтағы құрылғының пайдаланушысы да өзгерте алады (мысалы, қауіпсіздік бағдарламасының интерфейсінде). Егер жергілікті тапсырманы басқарылатын құрылғыда әкімші де, пайдаланушы да бір уақытта өзгерткен болса, онда әкімші енгізген өзгерістер басым болып күшіне енеді.

• Топтық тапсырмалар – бұл аталған топтың барлық құрылғыларында орындалатын тапсырмалар.

  Егер тапсырманың сипаттарында басқаша көрсетілмесе, топтық тапсырма аталған топтың ішкі топтарына да таралады. Топтық тапсырмалар (міндетті емес) осы топқа және ішкі топтарға орналастырылған қосалқы және виртуалды Басқару серверлеріне қосылған құрылғыларда да жұмыс істейді.

• Глобалдық тапсырмалар – бұл басқару топтарына кіретіндігіне қарамастан, таңдалған құрылғыларда орындалатын тапсырмалар.

Әр бағдарлама үшін сіз топтық тапсырмалардың, глобалдық тапсырмалардың және жергілікті тапсырмалардың кез келген санын жасай аласыз.

Тапсырма параметрлеріне өзгертулер енгізуге, тапсырмалардың орындалуын бақылауға, тапсырмаларды көшіруге, экспорттауға және импорттауға, сондай-ақ жоюға болады.

Құрылғыдағы тапсырмаларды іске қосу тек осы тапсырмалар жасалған бағдарлама іске қосылған жағдайда ғана орындалады.

Тапсырмаларды орындау нәтижелері Microsoft Windows және Kaspersky Security Center, орталықтандырылған түрде Басқару серверінде де, жергілікті түрде әрбір құрылғыда да оқиғалар журналдарында сақталады.

Тапсырмалар параметрлерінде құпия деректерді пайдаланбаңыз. Мысалы, домен әкімшісінің құпиясөзін көрсетпеуге тырысыңыз.